ಆರ್‌‌ಎಸ್‌ಎಸ್‌ ಅನ್ನು ತಾಲಿಬಾನ್​ಗೆ ಹೋಲಿಕೆ - ಜಾವೇದ್‌ ಅಖ್ತರ್‌ಗೆ ಕೋರ್ಟ್‌ ನೋಟಿಸ್

•   Tue, Sep 28 2021 01:28:45 PM



• ನವದೆಹಲಿ, ಸೆ.28 (DaijiworldNews/HR): ಗೀತ ರಚನೆಕಾರ ಜಾವೇದ್​ ಅಖ್ತರ್​ ಅವರು ಆರ್‌‌ಎಸ್‌ಎಸ್‌ ಅನ್ನು ತಾಲಿಬಾನ್​ಗೆ ಹೋಲಿಕೆ ಮಾಡಿದ್ದು, ಅವರ ವಿರುದ್ಧ ಆರ್‌‌ಎಸ್‌ಎಸ್‌ ಕಾರ್ಯಕರ್ತ ವಿವೇಕ್​ ಚಂಪಾನೇಕರ್​ ಮಾನನಷ್ಟ ಮೊಕದ್ದಮೆಯನ್ನು ಹೂಡಿದ್ದರು. ಈ ಸಂಬಂಧ ಅರ್ಜಿ ಕೈಗೆತ್ತಿಕೊಂಡ ಥಾಣೆ ಕೋರ್ಟ್​ ಜಾವೇದ್​ ಅಖ್ತರ್​ಗೆ ನೋಟಿಸ್​ ಕಳುಹಿಸಿದ್ದು, ನವೆಂಬರ್ 12ರಂದು ವಿಚಾರಣೆ ಹಾಜರಾಗುವಂತೆ ಸೂಚನೆ ನೀಡಲಾಗಿದೆ.

   

  ಜಾವೇದ್​ ಅಖ್ತರ್​ ಅವರು ಆರಂಭದಲ್ಲಿ ತಾಲಿಬಾನಿಗಳು ಇಸ್ಲಾಮಿಕ್​ ದೇಶವನ್ನು ಬಯಸುತ್ತಾರೆ. ಈ ಜನರು ಹಿಂದೂ ರಾಷ್ಟ್ರವನ್ನು ನಿರ್ಮಿಸಲು ಬಯಸುತ್ತಾರೆ ಎಂದು ಹೇಳಿದ್ದರು. ಆರ್‌‌ಎಸ್‌ಎಸ್‌ ಹೆಸರನ್ನು ಹೇಳದೇ ಜಾವೇದ್​ ಅಖ್ತರ್​ ಈ ಹೇಳಿಕೆ ನೀಡಿದ್ದರೂ ಕೂಡ ಸಾಕಷ್ಟು ವಿವಾದಕ್ಕೆ ಕಾರಣವಾಗಿತ್ತು.

  ಇನ್ನು ಜಾವೇದ್​ ಅಖ್ತರ್​ ನೀಡಿರುವ ಈ ಹೇಳಿಕೆಯು ಸಾಮಾನ್ಯ ಜನರ ದೃಷ್ಠಿಯಲ್ಲಿ ಆರ್‌‌ಎಸ್‌ಎಸ್‌ ಚಿತ್ರಣವನ್ನು ಹಾಳು ಮಾಡುವಂತಿದೆ. ಅನಾಗರಿಕ ತಾಲಿಬಾನ್​ ಹಾಗೂ ಹಿಂದೂ ಧರ್ಮದ ಉದ್ಧಾರಕ್ಕಾಗಿ ಶ್ರಮಿಸುತ್ತಿರುವ ಸಂಘಟನೆಗಳನ್ನು ಒಂದೇ ಎಂದು ಹೇಳಿರುವುದು ಖಂಡನೀಯ ಎಂದು ವಿವೇಕ್ ಹೇಳಿದ್ದಾರೆ.​