ಅಫ್ಘಾನ್ ನಲ್ಲಿ ತಾಲಿಬಾನಿಗರ ಅಟ್ಟಹಾಸ - ತಂದೆಯ ಮೇಲಿನ ಕೋಪಕ್ಕೆ ಮಗುವಿಗೆ ಮರಣದಂಡನೆ ಶಿಕ್ಷೆ.!

•   Tue, Sep 28 2021 12:23:16 PM



• ಕಾಬೂಲ್, ಸೆ 28 (DaijiworldNews/MS): ಅಫ್ಘಾನಿಸ್ತಾನದಲ್ಲಿ ತಾಲಿಬಾನ್ ಅಟ್ಟಹಾಸ ಎಲ್ಲೆ ಮೀರಿದ್ದು, ಇದೀಗ ಮಗುವನ್ನು ಗಲ್ಲಿಗೇರಿಸುವ ಮೂಲಕ ತಮ್ಮ ಕ್ರೂರ ವರ್ತನೆಯನ್ನು ಮತ್ತೊಮ್ಮೆ ಹೊರಗೆಡವಿದ್ದಾರೆ.

  

  ಮಗುವಿನ ತಂದೆ ಪಂಜ್ ಶೀರ್ ನ ಅಫ್ಘಾನ್ ಪ್ರತಿರೋಧ ಪಡೆಯಲ್ಲಿ ನಾಯಕನಾಗಿದ್ದಾನೆ ಎಂಬ ಅನುಮಾನದಿಂದ ತಾಲಿಬಾನಿಗಳು ಈ ನೀಚಕೃತ್ಯ ಎಸಗಿದ್ದಾರೆ.

  ಸ್ಥಳೀಯ, ಸ್ವತಂತ್ರ ಮಾಧ್ಯಮ ಪಂಜಶಿರ್​ ಅಬ್ಸರ್ವರ್​ ಈ ವರದಿ ಮಾಡಿದ್ದು, ಯಾರು ತಾಲಿಬಾನ್ ವಿರುದ್ಧ ಧ್ವನಿ ಎತ್ತುತ್ತಾರೋ ಅವರಿಗೆ ಎಚ್ಚರಿಕೆಯ ಸಂದೇಶ ರವಾನಿಸಲು ತಾಲಿಬಾನ್ ಇಂತಹ ಕ್ರೂರ ಕೃತ್ಯಕ್ಕೆ ಮುಂದಾಗುತ್ತಿದೆ ಎಂದು ತಿಳಿಸಿದೆ.

  ಪಂಜಶಿರ್​ ಅಬ್ಸರ್ವರ್ ಮಾಡಿದ ಟ್ವೀಟ್ ನಲ್ಲಿ , ಕ್ತದ ಮಡುವಿನಲ್ಲಿ ಮಗುವೊಂದು ನೆಲದ ಮೇಲೆ ಬಿದ್ದಿರುವ ವಿಡಿಯೋವನ್ನು ಇದ್ದು ಆ ಮಗುವಿನ ಸುತ್ತ ನಿಂತಿರುವ ಹಲವು ಮಕ್ಕಳು ದೊಡ್ಡದಾಗಿ ಅಳುತ್ತಿರುವ ದೃಶ್ಯವನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ. ಮಾತ್ರವಲ್ಲದೆ ಈ ಮಗುವಿನ ತಂದೆ ಪ್ರತಿರೋಧ ಪಡೆಯ ನಾಯಕ ಎಂಬ ಅನುಮಾನದ ಮೇರೆಗೆ ಪುಟ್ಟ ಮಗುವಿಗೆ ಶಿಕ್ಷೆ ನೀಡಲಾಗಿದೆ ಎಂದು ಪಂಜಶಿರ್​ ಅಬ್ಸರ್ವರ್​ ಟ್ವೀಟ್​​ನಲ್ಲಿ ಹೇಳಿದೆ.

  ಅಫ್ಘಾನಿಸ್ತಾನದ ಆಡಳಿತವನ್ನು ತಾಲಿಬಾನ್ ವಶಕ್ಕೆ ಪಡೆದ ನಂತರ ನಾವು ಬದಲಾಗಿದ್ದೇವೆ ಯಾವುದೇ ಸೇಡು ಹತ್ಯೆಗಳಿಲ್ಲ ಅಂತರಾಷ್ಟ್ರೀಯ ಮಟ್ಟದ ದೇಶಗಳ ನಾಯಕರನ್ನು ಸೆಳೆಯಲು ಹೇಳಿಕೆ ನೀಡುತ್ತಲೇ ಹಿಂಸಾಚಾರದಲ್ಲಿ ತೊಡಗಿದೆ.