ಯುರೋಪಿನ ಅತಿ ಎತ್ತರದ ಶಿಖರ ಮೌಂಟ್ ಎಲ್ಬ್ರಸ್ ಏರಿ ಸಾಧನೆಗೈದ ಭಾರತದ ಪೋರ!

•   Tue, Sep 21 2021 03:58:14 PM



• ಕರ್ನೂಲು, ಸೆ.21 (DaijiworldNews/HR): ಯುರೋಪಿನ ಅತಿ ಎತ್ತರದ ಶಿಖರ ಮೌಂಟ್ ಎಲ್ಬ್ರಸ್ ಅನ್ನು ಆಂಧ್ರಪ್ರದೇಶದ ಕರ್ನೂಲಿನ 8 ವರ್ಷದ ಬಾಲಕ ಏರಿದ್ದಾನೆ.

  

  ಗಂಧಂ ಭುವನ್ ಜೈ ಎಂಬ ಬಾಲಕ ಇಬ್ಬರು ಇತರ ಪರ್ವತಾರೋಹಿಗಳಾದ ವೈಜಾಗ್‌ನ ಅನ್ಮಿಶ್ ವರ್ಮ ಮತ್ತು ಅನಂತಪುರದ ಕೆ ಶಂಕರಯ್ಯ ಅವರೊಂದಿಗೆ ಮೌಂಟ್ ಎಲ್ಬ್ರಸ್ (5642 ಮೀಟರ್) ಶಿಖರವನ್ನು ಏರಿದ್ದು, ಶಿಖರವನ್ನು ಏರಿದ ನಂತರ, ಭುವನ್ ಹೆಮ್ಮೆಯಿಂದ ತ್ರಿವರ್ಣವನ್ನು ಪ್ರದರ್ಶಿಸಿದ್ದಾನೆ.

  ಈ ಕುರಿತು ರಾಷ್ಟ್ರೀಯ ಸಂಚಾಲಕ, ಸಫಾಯಿ ಕರ್ಮಚಾರಿ ಆಂದೋಲನ, ಬೆಜವಾಡ ವಿಲ್ಸನ್ ಟ್ವೀಟ್ ಮಾಡಿದ್ದು, "ಭಾರತಕ್ಕೆ ಹೆಮ್ಮೆಯ ಕ್ಷಣ 8 ವರ್ಷದ ಭುವನಜೈ ಯುರೋಪಿನಲ್ಲಿ ಅತ್ಯುನ್ನತ ಶಿಖರ ಮೌಂಟ್‌ಎಲ್ಬ್ರಸ್ ವನ್ನು ಏರಿದ ಅತ್ಯಂತ ಕಿರಿಯ. ಅವರು ಒಂದು ಕಡೆ ಸಂವಿಧಾನದ ಮುನ್ನುಡಿಯೊಂದಿಗೆ ತ್ರಿವರ್ಣ ಧ್ವಜವನ್ನು ಬಿಚ್ಚಿಟ್ಟರೆ ಮತ್ತು ಇನ್ನೊಂದು ಕಡೆ ಅಂಬೇಡ್ಕರ್ ಅವರಿಗೆ ಸೂಕ್ತ ಅವಕಾಶಗಳನ್ನು ನೀಡಿದಾಗ ಏನನ್ನು ಸಾಧಿಸಬಹುದು ಎಂಬುದನ್ನು ನೆನಪಿಸುತ್ತದೆ" ಎಂದಿದ್ದಾರೆ.

  ಭುವನ್ 3ನೇ ತರಗತಿಯ ವಿದ್ಯಾರ್ಥಿಯಾಗಿದ್ದು, ಅವರ ತಂದೆ ಗಂಧಂ ಚಂದ್ರದುಡು ಐಎಎಸ್ ಅಧಿಕಾರಿ. ಯಾತ್ರೆಯ ಬಳಿಕ ತಂಡವು ಸೆಪ್ಟೆಂಬರ್ 23 ರಂದು ಭಾರತವನ್ನು ತಲುಪಲಿದೆ.