ಬಿಜೆಪಿ ಮತ್ತು ಆರ್‌ಎಸ್‌ಎಸ್ ನವರು 'ನಕಲಿ ಹಿಂದುಗಳು' - ರಾಹುಲ್ ಗಾಂಧಿ

•   Thu, Sep 16 2021 08:54:43 AM



• ನವದೆಹಲಿ, ಸೆ 16(DaijiworldNews/MS): ಭಾರತೀಯ ಜನತಾ ಪಕ್ಷ (ಬಿಜೆಪಿ) ಮತ್ತು ರಾಷ್ಟ್ರೀಯ ಸ್ವಯಂಸೇವಕ ಸಂಘವನ್ನು (ಆರ್‌ಎಸ್‌ಎಸ್) "ನಕಲಿ ಹಿಂದುಗಳು" ಎಂದು ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಕರೆದಿದ್ದಾರೆ.

    

  ಬಿಜೆಪಿ - ಆರ್​ಎಸ್​ಎಸ್​ ವಿರುದ್ಧ ಆಕ್ರೋಶ ಹೊರಹಾಕಿರುವ ರಾಹುಲ್​ ಗಾಂಧಿ, ಈ ನಕಲಿ ಹಿಂದುಗಳು ಧರ್ಮವನ್ನು ತಮ್ಮ ಲಾಭಕ್ಕಾಗಿ ಮಾತ್ರ ಬಳಸುತ್ತಾರೆ ಎಂದು ಆರೋಪಿಸಿದ್ದಾರೆ.

  ದೆಹಲಿಯಲ್ಲಿ ಅಖಿಲ ಭಾರತ ಮಹಿಳಾ ಕಾಂಗ್ರೆಸ್​ ಸ್ಥಾಪನಾ ದಿನವನ್ನುದ್ದೇಶಿಸಿ ಮಾತನಾಡಿದ ರಾಹುಲ್​ ಗಾಂಧಿ, ಕಾಂಗ್ರೆಸ್‌ನ ಸಿದ್ಧಾಂತವು ಆರ್‌ಎಸ್‌ಎಸ್ ಮತ್ತು ಬಿಜೆಪಿ ಸಿದ್ಧಾಂತಕ್ಕೆ ಸಂಪೂರ್ಣ ವಿರುದ್ಧವಾಗಿದೆ ಮತ್ತು "ಎರಡು ಸಿದ್ಧಾಂತಗಳಲ್ಲಿ ಒಂದು ಮಾತ್ರ ದೇಶವನ್ನು ಆಳಬಲ್ಲದು" ಎಂದು ಹೇಳಿದರು.

  "ಇವರೆಲ್ಲ ಯಾವ ರೀತಿಯ ಹಿಂದೂಗಳು ? ಇವರೆಲ್ಲ ನಕಲಿ ಹಿಂದೂಗಳಾಗಿದ್ದಾರೆ. ಇವರು ಹಿಂದೂ ಧರ್ಮವನ್ನು ಬಳಸಿಕೊಳ್ತಿದ್ದಾರೆ, ಧರ್ಮವನ್ನು ಬಳಸಿ ದಲ್ಲಾಳಿತನವನ್ನು ಮಾಡುತ್ತಿದ್ದಾರೆ. ಇವರ್ರ್ಯಾರು ನಿಜವಾದ ಹಿಂದೂಗಳೇ ಅಲ್ಲ" ಎಂದು ಹೇಳುವ ಮೂಲಕ ಬಿಜೆಪಿ ಹಾಗೂ ಆರ್​.ಎಸ್.​ಎಸ್.​ನ್ನು ಜರಿದಿದ್ದಾರೆ.

  ಬಿಜೆಪಿ-ಆರ್‌ಎಸ್‌ಎಸ್ ನವರು ತಮ್ಮದು ಹಿಂದುತ್ವ ಎಂದು ಹೇಳುತ್ತಾರೆ. ಕಳೆದ 100-200 ವರ್ಷಗಳಲ್ಲಿ, ಯಾರಾದರೂ ಹಿಂದೂ ಧರ್ಮವನ್ನು ಉತ್ತಮ ರೀತಿಯಲ್ಲಿ ಅರ್ಥಮಾಡಿಕೊಂಡಿ ಅದನ್ನು ಅಳವಡಿಸಿಕೊಂಡಿದ್ದಾರೆ ಅದು ಮಹಾತ್ಮ ಗಾಂಧಿ ಮಾತ್ರ . ಒಂದು ವೇಳೆ, ಮಹಾತ್ಮ ಗಾಂಧಿಯವರು ಹಿಂದೂ ಧರ್ಮವನ್ನು ಅರ್ಥಮಾಡಿಕೊಂಡಿದ್ದರೆ ಮತ್ತು ಅದನ್ನು ಅರ್ಥಮಾಡಿಕೊಳ್ಳಲು ತಮ್ಮ ಇಡೀ ಜೀವನವನ್ನು ಕಳೆದರೆ, ಆರೆಸ್ಸೆಸ್ ಸಿದ್ಧಾಂತವು ಅವರ ಎದೆಗೆ ಮೂರು ಗುಂಡುಗಳನ್ನು ಏಕೆ ಹಾಕಿತ್ತು ಎಂದು ಪ್ರಶ್ನಿಸಿದ್ದಾರೆ.