ಉಳ್ಳಾಲ: ಮಟ್ಕಾ ದಂಧೆ - ಇಬ್ಬರ ಬಂಧನ

•   Mon, Nov 05 2018 09:46:59 AM



• ಉಳ್ಳಾಲ, ನ 05 (MSP): ಮಟ್ಕಾ ದಂಧೆ ನಡೆಸುತ್ತಿದ್ದ ಇಬ್ಬರನ್ನು ಸಿಸಿಬಿ ಪೊಲೀಸರು ವಶಕ್ಕೆ ಪಡೆದುಕೊಂಡಿರುವ ಘಟನೆ ಉಳ್ಳಾಲ ಠಾಣಾ ವ್ಯಾಪ್ತಿಯ ತೊಕ್ಕೊಟ್ಟು ಒಳಪೇಟೆ ಪರಿಸರದಲ್ಲಿ ನಡೆದಿದೆ.

  

  ಜೆಪ್ಪಿನಮೊಗರು ನಿವಾಸಿ ಗಣೇಶ್ ಶೆಟ್ಟಿ (59), ಉಳ್ಳಾಲದ ವಿನಯ್ (57) ಬಂಧಿತರು. ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿ ಇಬ್ಬರನ್ನು ಬಂಧಿಸಿ ಅವರಲ್ಲಿದ್ದ ರೂ.11,016 ನಗದು ಹಾಗೂ ಮಟ್ಕಾ ನಂಬ್ರ ಬರೆದ ಚೀಟಿಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಆರೋಪಿಗಳು ಮತ್ತು ವಶಪಡಿಸಿಕೊಂಡ ಸೊತ್ತುಗಳನ್ನು ಹೆಚ್ಚಿನ ತನಿಖೆಗೆ ಉಳ್ಳಾಲ ಪೊಲೀಸರಿಗೆ ಹಸ್ತಾಂತರಿಸಲಾಗಿದೆ.