ಅಡಿಕೆ ಬೇಯಿಸುತ್ತಿರುವ ಹಂಡೆಗೆ ಬಿದ್ದು 4 ವರ್ಷದ ಬಾಲಕ ಮೃತ್ಯು

•   Mon, Sep 13 2021 10:33:42 AM



• ಶಿವಮೊಗ್ಗ, ಸೆ.13 (DaijiworldNews/PY): ಕುದಿಯುತ್ತಿರುವ ಅಡಿಕೆ ಬೇಯಿಸುತ್ತಿರುವ ಹಂಡೆಗೆ ಬಿದ್ದು ಬಾಲಕ ಸಾವನ್ನಪ್ಪಿದ ಘಟನೆ ಶಿವಮೊಗ್ಗ ಜಿಲ್ಲೆಯ ಭದ್ರಾವತಿ ತಾಲೂಕಿನ ಹೊಳೆಹೊನ್ನೂರು ಪೊಲೀಸ್‌ ಠಾಣೆ ವ್ಯಾಪ್ತಿಯ ಅರಕೆರೆ ಗ್ರಾಮದಲ್ಲಿ ನಡೆದಿದೆ.

  

  ಮೃತ ಬಾಲಕನನ್ನು ಮಂಜುನಾಥ್‌ ಎಂಬವರ ಪುತ್ರ ಧನರಾಜ್‌ (4) ಎಂದು ಗುರುತಿಸಲಾಗಿದೆ.

  ಮಂಜುನಾಥ್‌ ಅವರ ಮನೆ ಹಿಂಭಾಗ ಅಡಿಕೆ ಬೇಯಿಸುವ ಕೆಲಸ ನಡೆಯುತ್ತಿತ್ತು. ಅಡಿಕೆ ಬೇಯಿಸುವ ಹಂಡೆಯ ಪಕ್ಕ ಒಂದು ಸ್ಟೂಲ್‌ ಇರಿಸಲಾಗಿತ್ತು. ಈ ವೇಳೆ ಬಾಲಕ ಸ್ಟೂಲ್‌ ಹತ್ತಿ ಹಂಡೆಯ ಕಡೆ ಬಗ್ಗಿದಾಗ ಈ ಘಟನೆ ನಡೆದಿದೆ.

  ತೀವ್ರ ಸುಟ್ಟಗಾಯಗಳಾಗಿದ್ದ ಬಾಲಕನನ್ನು ಶಿವಮೊಗ್ಗದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರ, ಆತ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾನೆ.

  ಘಟನೆಯ ಬಗ್ಗೆ ಹೊಳೆಹೊನ್ನೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.