ಮಲ್ಪೆ: ಹೀಗೂ ಮಾಡ್ತಾರಾ? - ಹೆಲಿಕಾಪ್ಟರ್​​ನಲ್ಲಿ ಬಂದು ಸಮುದ್ರದಲ್ಲಿ ಮೀನು ಡೀಲ್ ಮಾಡಿದ ಅಧಿಕಾರಿಗಳು..!

•   Thu, Nov 01 2018 10:34:56 AM



• ಕಾರವಾರ, ನ 01 (MSP): ಕಾರವಾರ- ಗೋವಾ ಗಡಿಭಾಗದ ಅರಬ್ಭಿ ಸಮುದ್ರದಲ್ಲಿ ಕೋಸ್ಟ್​ ಗಾರ್ಡ್ ಅಧಿಕಾರಿಗಳು ಹೆಲಿಕ್ಯಾಪ್ಟರ್ ಮೂಲಕ ಬಂದು ಮೀನುಗಾರರಿಂದ ಪುಕ್ಸಟೆಯಾಗಿ ಮೀನು ಪಡೆದುಕೊಂಡು ಹೋಗುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 

  

  ಈ ಘಟನೆ ಕರ್ನಾಟಕ ಹಾಗೂ ಗೋವಾ ಗಡಿ ಭಾಗದಲ್ಲಿ ಸಮುದ್ರದಲ್ಲಿ ನಡೆದಿದೆ ಎನ್ನಲಾಗಿದೆ. ಮೀನುಗಾರಿಕಾ ಬೋಟ್ ಮಲ್ಪೆ ಬಂದರಿನದ್ದೆಂದು ತಿಳಿದು ಬಂದಿದೆ. ಕೋಸ್ಟ್​ ಗಾರ್ಡ್ ಅಧಿಕಾರಿಗಳು ಹೆಲಿಕಾಪ್ಟರ್ ಮೂಲಕ ಬಂದು ಗೋವದಲ್ಲಿ ಮೀನುಗಾರಿಕೆ ಮುಗಿಸಿ ವಾಪಸ್​​ ಆಗುತ್ತಿದ್ದ ಮೀನುಗಾರರ ಬಳಿ ಮೀನು ಬೇಕಾಗಿರುವ ಬಗ್ಗೆ ಕೇಳಿದ್ದು, ಬಳಿಕ ಹೆಲಿಕಾಪ್ಟರ್ ಮೇಲಿಂದಲೇ ಹಗ್ಗದ ಮೂಲಕ ಕವರ್ ಬಿಟ್ಟು ಬೋಟ್​​ನವರಿಂದ ಮೀನು ಪಡೆದುಕೊಂಡಿದ್ದಾರೆ ಎನ್ನಲಾಗಿದೆ.
  ಬಳಿಕ ಅಲ್ಲಿಂದ ಹೆಲಿಕಾಪ್ಟರ್ ತೆರಳುತ್ತಿರುವುದು ವಿಡಿಯೋದಲ್ಲಿದೆ. ಇದನ್ನು ಇನ್ನೊಂದು ಬೋಟ್​​​ನಲ್ಲಿದ್ದವರು ವಿಡಿಯೋ ಮಾಡಿದ್ದಾರೆ. ಎರಡು ಮೂರು ದಿನದ ಹಿಂದೆ ಘಟನೆ ನಡೆದಿದ್ದು, ವಿಡಿಯೋ ಮಾಡುವವರು ಕನ್ನಡವನ್ನು ಸ್ಪಷ್ಟವಾಗಿ ಮಾತನಾಡುತ್ತಿರುವುದರಿಂದ ಇದು ಕಾರವಾರ-ಗೋವಾ ಗಡಿ ಭಾಗದಲ್ಲಿ ನಡೆದಿದೆ ಎಂದು ಮೀನುಗಾರರೊಬ್ಬರು ತಿಳಿಸಿದ್ದಾರೆ.