ತಾಲಿಬಾನ್​ ವಿರುದ್ಧ ಪ್ರತಿಕಾರ - ಮೂರು ಜಿಲ್ಲೆ ವಶಕ್ಕೆ ಪಡೆದ ಅಫ್ಘಾನ್ ಸೇನೆ, ನಾಗರೀಕರು

•   Sat, Aug 21 2021 09:14:24 AM



• ಕಾಬೂಲ್, ಆ 21 (DaijiworldNews/MS): ಆಫ್ಟಾನಿಸ್ತಾನವನ್ನು ತನ್ನ ತೆಕ್ಕೆಗೆ ತೆಗೆದುಕೊಂಡು ಹಿಂಸಾಚಾರ ನಡೆಸುತ್ತಿರುವ ತಾಲಿಬಾಲ್‌ ವಿರುದ್ದ ತಿರುಗಿಬಿದ್ದಿರುವ ನಾಗರೀಕರು, ಹಾಗೂ ಅಫ್ಘಾನ್ ಸೇನೆ ಭಯೋತ್ಪಾದಕರಿಂದ ಮೂರೂ ಜಿಲ್ಲೆಗಳನ್ನು ವಶಕ್ಕೆ ಪಡೆದಿರುವ ಬಗ್ಗೆ ವರದಿಯಾಗಿದೆ.

  

  ಅಮೆರಿಕ ಸೇನೆ ಮತ್ತು ನ್ಯಾಟೋ ಪಡೆಗಳಿಗೆ ನೆರವು ನೀಡಿದ ಆಫ್ಘಾನ್​ ಜನರನ್ನು ತಾಲಿಬಾನ್ ಮನೆ ಮನೆಗೆ ನುಗ್ಗಿ ಪ್ರತೀಕಾರ ತೆಗೆದುಕೊಳ್ಳುತ್ತಿರುವ ತಾಲಿಬಾನಿಗಳ ನಡೆಯಿಂದ ಬೇಸತ್ತಿರುವ ಅಲ್ಲಿನ ಜನರ ಅವರ ವಿರುದ್ಧವೇ ತಿರುಗಿಬಿದ್ದಿದ್ದಾರೆ.

  ತಾಲಿಬಾನ್​ ವಿರುದ್ಧ ಸಮರ ಸಾರಿರುವ ಆಫ್ಘಾನ್​ನ ಹೋರಾಟಗಾರರು ಹಾಗೂ ಸೇನಾಪಡೆ ಕೆಲವು ತಾಲಿಬಾನಿಗಳನ್ನು ಹತ್ಯೆ ಮಾಡಿ ಅವರ ನಿಯಂತ್ರಣದಲ್ಲಿದ್ದ ಮೂರು ಜಿಲ್ಲೆಗಳನ್ನು ವಶಕ್ಕೆ ಪಡೆದಿದೆ. ಉತ್ತರ ಬಘ್ಲಾನ್ ಪ್ರಾಂತ್ಯದ ಪೊಲ್-ಇ- ಹೆಸಾರ್ ಜಿಲ್ಲೆಯನ್ನು ಆಫ್ಘನ್ ಪಡೆಗಳು ತಾಲಿಬಾನಿಗಳಿಂದ ವಶಕ್ಕೆ ಪಡೆದಿರುವುದಾಗಿ ಮಾಧ್ಯಮವೊಂದು ವರದಿ ಮಾಡಿದೆ. ಜೊತೆಗೆ ದೆಹ್​ ಸಲಾಹ್ ಮತ್ತು ಖ್ವಸಾನ್ ಜಿಲ್ಲೆಗಳನ್ನೂ ಆಫ್ಘನ್ ಪಡೆಗಳು ವಶಕ್ಕೆ ಪಡೆದುಕೊಂಡಿವೆ ಎಂದು ವರದಿಯಾಗಿದೆ.