'ಕಲಾಪಕ್ಕೆ ಅಡ್ಡಿಪಡಿಸಿದ ಕಾಂಗ್ರೆಸ್‌‌‌ ಅನ್ನು ದೇಶದ ಜನತೆ ಇವರನ್ನೆಂದೂ ಕ್ಷಮಿಸಲಾರರು' - ಬಿಜೆಪಿ

•   Thu, Aug 12 2021 05:28:39 PM



• ಬೆಂಗಳೂರು, ಆ 12 (DaijiworldNews/PY): "ಕಾಂಗ್ರೆಸ್‌ ಅಡ್ಡಿಯಿಂದಾಗಿ ಕೇವಲ 21 ಗಂಟೆ ಮಾತ್ರ ಸಂಸತ್ತಿನ ಮುಂಗಾರು ಕಲಾಪ‌ ನಡೆದಿದೆ. ದೇಶದ ಜನತೆ ಇವರನ್ನೆಂದೂ ಕ್ಷಮಿಸಲಾರರು" ಎಂದು ಬಿಜೆಪಿ ಕಿಡಿಕಾರಿದೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಕಾಂಗ್ರೆಸ್‌, "ಸಂಸತ್ತಿನಲ್ಲಿ ಪ್ರತಿಪಕ್ಷಗಳ ಹಕ್ಕು‌‌ ಮೊಟಕು‌ಗೊಳಿಸಲಾಗುತ್ತಿದೆ ಎಂದು ಆರೋಪಿಸುವ ಕಾಂಗ್ರೆಸ್‌ ದ್ವಂದ್ವ ನೀತಿ ಅನಾವರಣಗೊಂಡಿದೆ. ಮುಂಗಾರು ಅಧಿವೇಶನ ನಿಗದಿತ ದಿನಕ್ಕಿಂತ‌ ಮುನ್ನವೇ ಮುಕ್ತಾಯಗೊಂಡಿದೆ. ಸಂವಿಧಾನ, ಸಂಸತ್ತಿನಲ್ಲಿ ನಂಬಿಕೆ ಇಲ್ಲದವರು ಅನಗತ್ಯ ವಿಚಾರಕ್ಕಾಗಿ ಸಮಯ ವ್ಯರ್ಥಗೊಳಿಸಿದ್ದು ಖಂಡನೀಯ" ಎಂದಿದೆ.

  "ತನ್ನ ಸಂಸದೀಯ ನಡವಳಿಕೆ ಬಗ್ಗೆ ಕಾಂಗ್ರೆಸ್‌ ಆತ್ಮಾವಲೋಕನ ಮಾಡಿಕೊಳ್ಳುವುದೆಂದು? ಕಾಂಗ್ರೆಸ್‌ ಅಡ್ಡಿಯಿಂದಾಗಿ ಕೇವಲ 21 ಗಂಟೆ ಮಾತ್ರ ಸಂಸತ್ತಿನ ಮುಂಗಾರು ಕಲಾಪ‌ ನಡೆದಿದೆ. ದೇಶದ ಜನತೆ ಇವರನ್ನೆಂದೂ ಕ್ಷಮಿಸಲಾರರು. ಸಂವಿಧಾನವನ್ನೇ ಬುಡಮೇಲು ಮಾಡಿದ ಪಕ್ಷದಿಂದ ಇನ್ನೇನು‌ ನಿರೀಕ್ಷೆ ಮಾಡಲು ಸಾಧ್ಯ?" ಎಂದು ಪ್ರಶ್ನಿಸಿದೆ.

  "ಉದ್ಯೋಗ ಮತ್ತು ಶಿಕ್ಷಣದಲ್ಲಿ ಹಿಂದುಳಿದ ವರ್ಗಗಳ ಮೀಸಲಾತಿ ರಚಿಸುವ ಅಧಿಕಾರಗಳನ್ನು ಆಯಾ ರಾಜ್ಯಗಳಿಗೆ ನೀಡುವ ಮಹತ್ವದ ಸಂವಿಧಾನ ತಿದ್ದುಪಡಿ ವಿಧೇಯಕಕ್ಕೆ ಸಂಸತ್ತು ಒಪ್ಪಿಗೆ ನೀಡಿದೆ. ಹಿಂದುಳಿದ ವರ್ಗದ ಹಿತಾಸಕ್ತಿ ಕಾಪಾಡುವಲ್ಲಿ ಪ್ರಧಾನಿ ಶ್ರೀ ನರೇಂದ್ರ ಮೋದಿ ನೇತೃತ್ವದ ಸರ್ಕಾರ ಬದ್ಧತೆ ತೋರ್ಪಡಿಸಿದೆ" ಎಂದಿದೆ.

  "ಉದ್ಯೋಗ ಹಾಗೂ ಶಿಕ್ಷಣದಲ್ಲಿ ಒಬಿಸಿ ಪಟ್ಟಿ ಸಿದ್ದಗೊಳಿಸುವ ಅಧಿಕಾರವನ್ನು ಆಯಾ ರಾಜ್ಯಗಳಿಗೆ ನೀಡಬೇಕೆಂದು ದಶಕಗಳಿಂದ ಪ್ರಾದೇಶಿಕವಾರು ಕೂಗು ಕೇಳಿ ಬಂದಿತ್ತು. ಕಾಂಗ್ರೆಸ್ ಪಕ್ಷ ಇದನ್ನು ಜಾಣತನದಿಂದ ಹತ್ತಿಕ್ಕುತ್ತಾ ಬಂದಿತ್ತು. ಸಂವಿಧಾನ ತಿದ್ದುಪಡಿ ಮೂಲಕ ಮೋದಿ ಸರ್ಕಾರ ಹಿಂದುಳಿದ ವರ್ಗಗಳ ಹಿತಾಸಕ್ತಿ ರಕ್ಷಿಸಿದೆ" ಎಂದು ಹೇಳಿದೆ.

  "ಕೇಂದ್ರ ಸರ್ಕಾರ ವೈದ್ಯ ಶಿಕ್ಷಣದಲ್ಲಿ ಒಬಿಸಿ ವಿದ್ಯಾರ್ಥಿಗಳಿಗೆ ಶೇ. 27ರಷ್ಟು ಮೀಸಲು ಸೌಲಭ್ಯ ಹಾಗೂ ಒಬಿಸಿ ಪಟ್ಟಿ ಸಿದ್ದ ಪಡಿಸುವ ಅಧಿಕಾರವನ್ನು ಆಯಾ ರಾಜ್ಯಗಳಿಗೆ ನೀಡಿದೆ. ಆದರೆ ಅಧಿಕಾರದಲ್ಲಿದ್ದಾಗ ಒಬಿಸಿ ವರ್ಗದ ಹಿತ ಕಾಯಲಾಗದ ಕಾಂಗ್ರೆಸ್‌ ನಾಯಕರು ಈಗ ಮತ್ತೆ ಜಾತಿಗಣತಿ ವಿಚಾರ ಪ್ರಸ್ತಾಪಿಸುತ್ತಿದ್ದಾರೆ" ಎಂದಿದೆ.

  ಸಂಸತ್ತಿನಲ್ಲಿ ಪ್ರತಿಪಕ್ಷಗಳ ಹಕ್ಕು‌‌ ಮೊಟಕು‌ಗೊಳಿಸಲಾಗುತ್ತಿದೆ ಎಂದು ಆರೋಪಿಸುವ @INCIndia ದ್ವಂದ್ವ ನೀತಿ ಅನಾವರಣಗೊಂಡಿದೆ.
  
  ಮುಂಗಾರು ಅಧಿವೇಶನ ನಿಗದಿತ ದಿನಕ್ಕಿಂತ‌ ಮುನ್ನವೇ ಮುಕ್ತಾಯಗೊಂಡಿದೆ.
  
  ಸಂವಿಧಾನ, ಸಂಸತ್ತಿನಲ್ಲಿ ನಂಬಿಕೆ ಇಲ್ಲದವರು ಅನಗತ್ಯ ವಿಚಾರಕ್ಕಾಗಿ ಸಮಯ ವ್ಯರ್ಥಗೊಳಿಸಿದ್ದು ಖಂಡನೀಯ.#CongressBetrayedBharat

  — BJP Karnataka (@BJP4Karnataka) August 12, 2021