ವಿಶೇಷ ವಿಮಾನದಲ್ಲಿ ಇಂದೇ ಅಫ್ಘಾನಿಸ್ತಾನದಿಂದ ವಾಪಾಸ್ಸಾಗುವಂತೆ ಭಾರತೀಯರಿಗೆ ಸಲಹೆ

•   Tue, Aug 10 2021 04:37:01 PM



• ಕಾಬೂಲ್, ಆ 10 (DaijiworldNews/PY): ಅಫ್ಘಾನಿಸ್ತಾನದಲ್ಲಿ ನೆಲೆಸಿರುವ ಭಾರತೀಯರು ಇಂದೇ ವಿಶೇಷ ವಿಮಾನದಲ್ಲಿ ಭಾರತಕ್ಕೆ ವಾಪಾಸ್ಸಾಗುವಂತೆ ಭಾರತ ಸರ್ಕಾರ ಮನವಿ ಮಾಡಿದೆ.

  
  ಸಾಂದರ್ಭಿಕ ಚಿತ್ರ

  ತಾಲಿಬಾನ್‌ ಹಾಗೂ ಅಫ್ಘಾನ್‌‌‌ ಭದ್ರತಾ ಪಡೆಗಳ ನಡುವೆ ತೀವ್ರ ಹೋರಾಟ ನಡೆಯುತ್ತಿರುವ ಹಿನ್ನೆಲೆ ಭಾರತ ಸರ್ಕಾರ ಈ ಸಲಹೆ ನೀಡಿದೆ.

  ತಾಲಿಬಾನ್‌ ಬಂಡುಕೋರರ ದೃಷ್ಟಿ ಮಝರ್‌‌ ಇ ಶರೀಫ್‌ ಮೇಲೆ ಬಿದ್ದಿರುವ ಕಾರಣ ಭಾರತ ತನ್ನ ಪ್ರಜೆಗಳ ಸ್ಥಳಾಂತರಕ್ಕೆ ವಿಶೇಷ ವಿಮಾನದ ಏರ್ಪಾಡು ಮಾಡಿದೆ.

  ಮಝರ್‌‌ ಇ ಶರೀಫ್‌‌ ನಗರವನ್ನು ವಶಪಡಿಸಿಕೊಳ್ಳಲು ಮುಂದಾಗಿರುವ ಬಗ್ಗೆ ತಾಲಿಬಾನ್‌ ಪ್ರಕಟಣೆ ಹೊರಡಿಸಿತ್ತು.

  ಭಾರತೀಯರ ಸ್ಥಳಾಂತರಕ್ಕೆ ನಿಯೋಜಿಸಲಾಗಿರುವ ವಿಮಾನ ಮಝರ್‌‌ ಇ ಶರೀಫ್‌‌ ನಗರದಿಂದ ಇಂದು ಹೊರಡಲಿದೆ. ಈ ಬಗ್ಗೆ ಮಝರ್ ಇ ಶರೀಫ್ ನಗರದಲ್ಲಿನ ಭಾರತೀಯ ದೂತವಾಸ ಕಚೇರಿ ಟ್ವೀಟ್ ಮೂಲಕ ತಿಳಿಸಿದ್ದು, "ಅಫ್ಘಾನಿಸ್ತಾನದಿಂದ ಹೊರಡಲು ಬಯಸುವ ಭಾರತೀಯರು ಆದಷ್ಟು ಬೇಗ ತಮ್ಮ ಕುಟುಂಬದ ವಿವರಗಳನ್ನು ನೀಡಬೇಕು" ಎಂದು ಸೂಚನೆ ನೀಡಿದೆ.

  (1/2) A special flight is leaving from Mazar-e-Sharif to New Delhi. Any Indian nationals in and around Mazar-e-Sharif are requested to leave for India in the special flight scheduled to depart late today evening.

  — India in Mazar (@IndianConsMazar) August 10, 2021