ಲವ್‌ ಯೂ ರಚ್ಚು ಸಿನಿಮಾ ಶೂಟಿಂಗ್‌ ವೇಳೆ ದುರಂತ - ವಿದ್ಯುತ್‌ ತಂತಿ ಸ್ಪರ್ಶಿಸಿ ಫೈಟರ್‌ ವಿವೇಕ್‌ ಮೃತ್ಯು

•   Mon, Aug 09 2021 03:32:31 PM



• ರಾಮನಗರ, ಆ 09 (DaijiworldNews/PY): ಲವ್‌ ಯೂ ರಚ್ಚು ಸಿನಿಮಾ ಚಿತ್ರೀಕರಣದ ಸಂದರ್ಭ ಶಾರ್ಟ್ ಸರ್ಕ್ಯೂಟ್‌‌ನಿಂದ ಫೈಟರ್ ವಿವೇಕ್ (35) ಮೃತಪಟ್ಟ ಘಟನೆ ತಾಲೂಕಿನ ಬಿಡದಿ ಹೋಬಳಿ ಜೋಗರಪಾಳ್ಯದಲ್ಲಿ ನಡೆದಿದೆ.

  

  ನಟ ಅಜಯ್‌ ರಾವ್‌ ಹಾಗೂ ನಟಿ ರಚಿತಾ ರಾಮ್‌ ನಟಿಸುತ್ತಿರುವ ಲವ್‌ ಯೂ ರಚ್ಚು ಸಿನಿಮಾದ ಶೂಟಿಂಗ್‌ ಮಾಡಲಾಗುತ್ತಿತ್ತು. ಈ ಸಂದರ್ಭ ಘಟನೆ ಸಂಭವಿಸಿದ್ದು, ಚಿತ್ರೀಕರಣ ನಿಲ್ಲಿಸಲಾಗಿದೆ.

  ಘಟನೆ ಬಗ್ಗೆ ಮಾಹಿತಿ ನೀಡಿರುವ ನಟಿ ರಚಿತಾ ರಾಮ್‌, "ಮೆಟಲ್‌ ರೋಪ್‌ ಬಳಸಿದ ಕಾರಣದಿಂದ ಈ ಘಟನೆ ನಡೆದಿದೆ. ನಾನು ಈ ದೃಶ್ಯದ ಚಿತ್ರೀಕರಣ ಸಂದರ್ಭ ನಾನು ಇರಲಿಲ್ಲ. ಜಾಕೆಟ್‌ ಹಾಕಿದ್ದವನಿಗೂ ಶಾಕ್‌‌ ಹೊಡೆದಿದೆ" ಎಂದು ತಿಳಿಸಿದ್ದಾರೆ.

  ಶಾರ್ಟ್‌ ಸರ್ಕ್ಯೂಟ್‌ನಿಂದ ಇಬ್ಬರಿಗೆ ಗಾಯವಾಗಿತ್ತು. ಈ ಪೈಕಿ ವಿವೇಕ್‌ ಸಾವನ್ನಪ್ಪಿದ್ದಾರೆ. ಮತ್ತೋರ್ವ ವ್ಯಕ್ತಿಯನ್ನು ಚಿಕಿತ್ಸೆಗೆ ಬೆಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಘಟನಾ ಸ್ಥಳಕ್ಕೆ ಬಿಡದಿ ಪೊಲೀಸರು ಭೇಟಿ ನೀಡಿದ್ದು, ಪರಿಶೀಲನೆ ನಡೆಸುತ್ತಿದ್ದಾರೆ.