ಭಾರತಕ್ಕೆ ಅಕ್ರಮ ಪ್ರವೇಶ - ಬಾಂಗ್ಲಾದ ಐವರು ಪ್ರಜೆಗಳನ್ನು ಬಿಜಿಬಿಗೆ ಹಸ್ತಾಂತರ

•   Sun, Aug 08 2021 01:55:49 PM



• ಅಸ್ಸಾಂ, ಆ.08 (DaijiworldNews/HR): ಬಾಂಗ್ಲಾದೇಶದ ಹತ್ತು ಪ್ರಜೆಗಳು ಭಾರತದೊಳಗೆ ಅಕ್ರಮವಾಗಿ ಪ್ರವೇಶಿಸಿದ್ದು, ಅವರಲ್ಲಿ ಐವರನ್ನು ಸೌಹಾರ್ದತೆಯ ಸಂಕೇತವಾಗಿ ಬಾಂಗ್ಲಾದೇಶದ ಗಡಿ ಕಾವಲು ಪಡೆಗೆ (ಬಿಜಿಬಿ) ಹಸ್ತಾಂತರಿಸಲಾಗಿದೆ ಎಂದು ಬಿಎಸ್‌ಎಫ್‌ ಅಧಿಕಾರಿಗಳು ತಿಳಿಸಿದ್ದಾರೆ.

  

  ಸಾಂಧರ್ಭಿಕ ಚಿತ್ರ

  ಪಶ್ಚಿಮ ಬಂಗಾಳದ ಕೂಚ್‌ಬಿಹಾರ ಜಿಲ್ಲೆಯ ಮೂಲಕ ಭಾರತದೊಳಗೆ ಪ್ರವೇಶಿಸಲು ಪ್ರಯತ್ನಿಸಿದ ಐದು ಮಕ್ಕಳು, ನಾಲ್ವರು ಮಹಿಳೆಯರು ಸೇರಿದಂತೆ ಹತ್ತು ಮಂದಿಯನ್ನು ಸಬ್ರಿ ಗಡಿ ಬಳಿ ಬಿಎಸ್‌ಎಫ್‌ ಪಡೆ ಶನಿವಾರ ಬಂಧಿಸಿತ್ತು ಎನ್ನಲಾಗಿದೆ.

  ಇನ್ನು ಈ ಹತ್ತು ಜನರ ಪೈಕಿ ಐವರನ್ನು ಸಂಪೂರ್ಣ ಪರಿಶೀಲನೆಯ ಬಳಿಕ ಶನಿವಾರ ಸಂಜೆ ಬಿಜಿಬಿಗೆ ಹಸ್ತಾಂತರಿಸಲಾಗಿದ್ದು, ಇನ್ನುಳಿದ ಐವರನ್ನು ವಿಚಾರಣೆಗಾಗಿ ಸ್ಥಳೀಯ ಪೊಲೀಸರ ವಶಕ್ಕೆ ನೀಡಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.