ಮಹಾರಾಷ್ಟ್ರ: ಬಾಯ್ಲರ್‌ ಸ್ಪೋಟಗೊಂಡು ಫ್ಯಾಕ್ಟರಿ ಗೋಡೆ ಕುಸಿತ - ಕಾರ್ಮಿಕ ಮೃತ್ಯು

•   Sun, Aug 08 2021 12:04:42 PM



• ಪಾಲ್ಘರ್‌, ಆ 08 (DaijiworldNews/PY): "ಬಾಯ್ಲರ್‌ ಸ್ಪೋಟಗೊಂಡ ಪರಿಣಾಮ ಫ್ಯಾಕ್ಟರಿಯೊಂದರ ಗೋಡೆ ಕುಸಿದ ಪರಿಣಾಮ ಕಾರ್ಮಿಕನೋರ್ವ ಮೃತಪಟ್ಟ ಘಟನೆ ಮಹಾರಾಷ್ಟ್ರದ ಪಾಲ್ಘರ್‌ನಲ್ಲಿ ನಡೆದಿದೆ" ಎಂದು ಭಾನುವಾರ ಪೊಲೀಸರು ತಿಳಿಸಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಮೃತ ಕಾರ್ಮಿಕನನ್ನು ಮೆಹಮೂದ್‌ ಮೊಹಮ್ಮದ್‌ ಖಾನ್‌(18) ಎಂದು ಗುರುತಿಸಲಾಗಿದೆ.

  "ವಾಲಿವ್‌‌ ಪ್ರದೇಶದಲ್ಲಿ ಶನಿವಾರ ಈ ಘಟನೆ ನಡೆದಿದ್ದು, ಇಲ್ಲಿನ ಎಂಜಿನಿಯರ್‌ ಘಟಕದಲ್ಲಿ ಬಾಯ್ಲರ್‌ ಸ್ಪೋಟಗೊಂಡಿದೆ. ಪ್ರಬಲ ಸ್ಪೋಟದ ಪರಿಣಾಮ ಸಮೀಪದಲ್ಲಿದ್ದ ಫ್ಯಾಕ್ಟರಿಯ ಗೋಡೆ ಕುಸಿದಿದೆ" ಎಂದು ಹೇಳಿದ್ದಾರೆ.

  ಘಟನೆಯ ಬಗ್ಗೆ ತಿಳಿಯುತ್ತಿದ್ದಂತೆ ಪೊಲೀಸರು ಹಾಗೂ ಸ್ಥಳೀಯ ಅಗ್ನಿ ಶಾಮಕ ದಳದ ಸಿಬ್ಬಂದಿಗಳು ಸ್ಥಳಕ್ಕೆ ಧಾವಿಸಿದ್ದಾರೆ.

  "ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ. ಘಟನೆಯ ಬಗ್ಗೆ ವಾಲಿವ್‌ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ" ಎಂದು ಪೊಲೀಸರು ತಿಳಿಸಿದ್ದಾರೆ.