'ಸೆಪ್ಟೆಂಬರ್​ನಿಂದ ಮಕ್ಕಳಿಗೂ ಕೊರೊನಾ ಲಸಿಕೆ ಆರಂಭವಾಗುವ ಸಾಧ್ಯತೆ' - ಏಮ್ಸ್‌ ಮುಖ್ಯಸ್ಥ

•   Sat, Jul 24 2021 12:13:45 PM



• ನವದೆಹಲಿ, ಜು 24 (DaijiworldNews/PY): "ಸೆಪ್ಟೆಂಬರ್‌ ತಿಂಗಳಿನಿಂದ ಮಕ್ಕಳಿಗೂ ಕೊರೊನಾ ಲಸಿಕೆ ನೀಡುವ ಕಾರ್ಯ ಪ್ರಾರಂಭವಾಗುವ ಸಾಧ್ಯತೆ ಇದೆ" ಎಂದು ಏಮ್ಸ್‌ ಮುಖ್ಯಸ್ಥ ಡಾ.ರಣದೀಪ್‌‌‌ ಗುಲೇರಿಯಾ ಹೇಳಿದ್ದಾರೆ.

  

  "ಈಗಾಗಲೇ ಫೈಜರ್ ಲಸಿಕೆಗೆ ಯುಸ್​ ರೆಗ್ಯುಲೇಟರ್​ ಎಫ್​ಡಿಎ ಅನುಮೋದನೆ ನೀಡಿದೆ. ಈ ಹಿನ್ನೆಲೆ ಸೆಪ್ಟೆಂಬರ್‌ ತಿಂಗಳ ಆರಂಭದಲ್ಲಿ ಮಕ್ಕಳಿಗೆ ಕೊರೊನಾ ಲಸಿಕೆ ಪ್ರಾರಂಭವಾಗಲಿದೆ ಎನ್ನುವ ವಿಶ್ವಾಸವಿದೆ. ಇದು ಕೊರೊನಾ ಸರಪಳಿಗೆ ಬ್ರೇಕ್‌ ಹಾಕಲು ಪ್ರಮುಖವಾಗಿರಲಿದೆ" ಎಂದಿದ್ದಾರೆ.

  "ಭಾರತದಲ್ಲಿ ಇಲ್ಲಿಯವರೆಗೆ 42 ಕೋಟಿಗೂ ಹೆಚ್ಚು ಲಸಿಕೆ ನೀಡಲಾಗಿದೆ. ಎಲ್ಲಾ ವಯಸ್ಕರಿಗೆ ಈ ವರ್ಷಾಂತ್ಯಕ್ಕೆ ಲಸಿಕೆ ನೀಡುವ ಗುರಿಯನ್ನು ಸರ್ಕಾರ ಹೊಂದಿದೆ. ಈ ನಡುವೆ ಕೊರೊನಾದ ಮೂರನೇ ಅಲೆ ಭೀತಿ ಇದ್ದು, ಶೀಘ್ರವೇ ಮಕ್ಕಳಿಗೆ ಲಸಿಕೆ ನೀಡುವ ಕಾರ್ಯ ಆರಂಭಿಸಬೇಕಿದೆ" ಎಂದು ತಿಳಿಸಿದ್ದಾರೆ.

  ಈಗಾಗಲೇ ಜೈಡಸ್‌ ಕಂಪೆನಿ ಲಸಿಕಾ ಟ್ರಯಲ್‌ ಮುಗಿಸಿ, ದೃಢೀಕರಣಕ್ಕೆ ಕಾಯುತ್ತಿದೆ ಎಂದು ಭಾವಿಸಿದ್ದೇನೆ. ಆಗಸ್ಟ್​ ಅಥವಾ ಸೆಪ್ಟೆಂಬರ್​ಗೆ ಭಾರತ್​ ಬಯೋಟೆಕ್​ನ ಕೋವಾಕ್ಸಿನ್​ ಟ್ರಯಲ್ಸ್​ ಮುಗಿಯಲಿದ್ದು, ಇದಾದ ನಂತ ಅನುಮೋದನೆ ಪಡೆದುಕೊಳ್ಳಲಿದೆ.