ಕೋಪದಿಂದ ಹಿಂತಿರುಗಿ, ಭಯದಿಂದ ಮುಂದಕ್ಕೆ ನೋಡಬೇಡಿ - ಪತಿ ಬಂಧನದ ಬಳಿಕ ಶಿಲ್ಪಾ ಶೆಟ್ಟಿ ಮೊದಲ ಪೋಸ್ಟ್

•   Fri, Jul 23 2021 12:37:06 PM



• ಮುಂಬೈ, ಜು.23 (DaijiworldNews/HR): ರಾಜ್ ಕುಂದ್ರಾ ಅವರನ್ನು ಬಂಧಿಸಿದ ಬಳಿಕ ಶಿಲ್ಪಾ ಶೆಟ್ಟಿ ತಮ್ಮ ಮೊದಲ ಇನ್‌ಸ್ಟಾಗ್ರಾಮ್‌ ಪೋಸ್ಟ್ ಅನ್ನು ಹಂಚಿಕೊಂಡಿದ್ದು, ಖ್ಯಾತ ಲೇಖಕ ಜೇಮ್ಸ್ ಥರ್ಬರ್ ಅವರ ಪುಸ್ತಕದ ಪುಟವೊಂದನ್ನು ಉಲ್ಲೇಖಿಸಿದ್ದಾರೆ.

  

  ಈ ಪೋಸ್ಟ್ ನಲ್ಲಿ, "ಕೋಪದಿಂದ ಹಿಂತಿರುಗಿ, ಭಯದಿಂದ ಮುಂದಕ್ಕೆ ನೋಡಬೇಡಿ. ಆದರೆ, ಜಾಗೃತಿಯಿಂದ ಸುತ್ತಲೂ ನೋಡಿ" ಎಂಬ ಸಾಲನ್ನು ಆರಂಭದಲ್ಲಿ ಬರೆಯಲಾಗಿದ್ದು, ಅನುಭವಿಸಿದ ಹತಾಶೆ ಮತ್ತು ನೋಯಿಸಿದ ಜನರನ್ನು ನಾವು ಕೋಪದಿಂದ ನೋಡುತ್ತೇವೆ. ನಾವೂ ಸಹ ನಮ್ಮ ಕೆಲಸಗಳನ್ನು ಕಳೆದುಕೊಳ್ಳಬಹುದು. ಕಾಯಿಲೆಗೆ ತುತ್ತಾಗಬಹುದು. ನಮ್ಮ ಪ್ರೀತಿಪಾತ್ರರು ಮರಣ ಹೊಂದಬಹುದು. ಆದರೆ, ನಾವು ಇರಬೇಕಾದ ಸರಿಯಾದ ಜಾಗ ಮಾತ್ರ ಇದುವೇ ಆಗಿದೆ. ಏನಾಗಿದೆ ಅಥವಾ ಏನಾಗಿರಬಹುದು ಎಂಬುದರ ಬಗ್ಗೆ ಆತಂಕದಿಂದ ನೋಡುತ್ತಿಲ್ಲ. ಆದರೆ, ಅದು ಏನು ಎಂಬುದು ಮಾತ್ರ ಸಂಪೂರ್ಣವಾಗಿ ತಿಳಿದಿದೆ" ಎಂಬ ಉಲ್ಲೇಖಿಸಲಾಗಿದೆ.

  ಇನ್ನು ಈಗ ಜೀವಂತವಾಗಿರುವುದಕ್ಕೆ ಅದೃಷ್ಟಶಾಲಿ ಎಂದೇ ನಾನು ತಿಳಿದುಕೊಂಡಿದ್ದು, ಆ ಕಾರಣ ನಾನು ಗಟ್ಟಿಯಾಗಿ ಉಸಿರನ್ನು ತೆಗೆದುಕೊಳ್ಳುತ್ತೇನೆ. ಈ ಹಿಂದೆಯೂ ಸಂಕಷ್ಟಗಳನ್ನು ದಾಟಿ ಬದುಕುಳಿದಿದ್ದೇನೆ. ಭವಿಷ್ಯದಲ್ಲಿ ಸವಾಲುಗಳನ್ನೂ ಎದುರಿಸುತ್ತೇನೆ. ಇವತ್ತಿನ ನನ್ನ ಬದುಕನ್ನು ನಾನು ಬದುಕುತ್ತೇನೆ. ಯಾವುದರಿಂದಲೂ ಇದಕ್ಕೆ ತಡೆಯೊಡ್ಡಲು ಸಾಧ್ಯವಿಲ್ಲ" ಎಂದು ಬರೆದಿರುವ ಸಾಲುಗಳನ್ನು ಪೋಸ್ಟ್‌ ಮಾಡಿದ್ದಾರೆ.

  ಅಶ್ಲೀಲ ಚಿತ್ರಗಳನ್ನು ತಯಾರಿಸಿದ ಮತ್ತು ಆ್ಯಪ್‌ಗಳ ಮೂಲಕ ಅವುಗಳನ್ನು ಬಿತ್ತರಿಸಿದ ಆರೋಪದ ಮೇಲೆ ಉದ್ಯಮಿ ರಾಜ್ ಕುಂದ್ರಾ ಅವರನ್ನು ಮುಂಬೈ ಪೊಲೀಸರು ಸೋಮವಾರ ಬಂಧಿಸಿದ್ದು, ಪೊಲೀಸರು ಮತ್ತೊಬ್ಬ ಆರೋಪಿ ರಿಯಾನ್‌ ಜಾನ್‌ನನ್ನು ಬಂಧಿಸಿದ್ದು ಆತನನ್ನು ಜುಲೈ 23ರವರೆಗೂ ನ್ಯಾಯಾಲಯ ಪೊಲೀಸ್‌ ವಶಕ್ಕೆ ಒಪ್ಪಿಸಿದೆ.