ಐಇಡಿ ಪ್ರಕರಣ - ಜಮ್ಮುವಿನಲ್ಲಿ ಮತ್ತಿಬ್ಬರು ಶಂಕಿತ ಉಗ್ರರು ವಶಕ್ಕೆ

•   Sat, Jul 03 2021 12:01:14 PM



• ಸೋಪಿಯಾನ್​, ಜು 03 (DaijiworldNews/PY): ಐಇಡಿ ವಶಪಡಿಸಿಕೊಂಡಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮತ್ತೆ ಇಬ್ಬರು ಶಂಕಿತ ಉಗ್ರರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಬಂಧಿತ ಆರೋಪಿಗಳನ್ನು ಸೋಪಿಯಾನ್​​ನ ನದೀಮ್ ಅಯ್ಯೂಬ್ ಮತ್ತು ಬನಿಹಾಲ್​ನ ತಾಲಿಬುರ್ರಹ್ಮಾನ್ ಎಂದು ಗುರುತಿಸಲಾಗಿದೆ.

  ಬನಿಹಾಲ್‌‌ ನಿವಾಸಿಯಾದ ನದೀಮುಲ್‌ ಹಕ್‌‌ ಎಂಬಾತನನ್ನು 5.5 ಕೆ.ಜಿ ಐಇಡಿ ಸಹಿತ ಜೂನ್‌ 27ರಂದು ಜಮ್ಮು ನಗರದ ಹೊರವಲಯ ಬತಿಂದಿಯಲ್ಲಿ ಬಂಧಿಸಲಾಗಿತ್ತು. ಈ ಸಂದರ್ಬ ಬಂಧಿತ ಇನ್ನಿಬ್ಬರ ಹೆಸರನ್ನು ಬಾಯ್ಬಿಟ್ಟಿದ್ದ. ಈ ಹಿನ್ನೆಲೆ ಮತ್ತೆ ಇಬ್ಬರು ಶಂಕಿತ ಉಗ್ರರನ್ನು ಬಂಧಿಸಲಾಗಿದೆ.

  ವಿಚಾರಣೆಯ ಸಂದರ್ಭ, ವ್ಯಕ್ತಿಯೋರ್ವರ ನಿರ್ದೇಶನದ ಮೇರೆಗೆ ತಾವು ಈ ದುಷ್ಕೃತ್ಯ ಸಂಚು ರೂಪಿಸಿದ್ದು ನಿಜ ಎಂದು ಒಪ್ಪಿಕೊಂಡಿದ್ದಾರೆ.

  ಜಮ್ಮುವಿನ ಪ್ರಮುಖ ಧಾರ್ಮಿಕ ಸ್ಥಳಗಳಲ್ಲಿ ಐಇಡಿ ಸ್ಪೋಟಿಸಲು ತಮಗೆ ನಿರ್ದೇಶನ ನೀಡುತ್ತಿದ್ದ ವ್ಯಕ್ತಿ ಸೂಚಿಸಿದ್ಧಾಗಿ ಆರೋಪಿಗಳು ಪೊಲೀಸರ ಮುಂದೆ ತಿಳಿಸಿದ್ದಾರೆ.