ನವದೆಹಲಿ: ಮೈತ್ರಿಗಾಗಿ ಕಾಂಗ್ರೆಸ್ ಜತೆ ಭಿಕ್ಷೆ ಬೇಡುವುದಿಲ್ಲ-ಮಾಯಾವತಿ

•   Tue, Oct 09 2018 09:58:40 PM



• ನವದೆಹಲಿ, ಅ 09(SM): ಕಾಂಗ್ರೆಸ್‌ ವಿರುದ್ಧ ಬಿಎಸ್ ಪಿ ನಾಯಕಿ ಮುನಿಸು ಹೆಚ್ಚಾಗಿದೆ. ಕಾಂಗ್ರೆಸ್ ವಿರುದ್ಧ ತೀವ್ರ ಪ್ರಹಾರ ನಡೆಸಿದ್ದಾರೆ. ಇತ್ತೀಚೆಗಷ್ಟೇ ಕಾಂಗ್ರೆಸ್ ಜತೆಗೆ ಮೈತ್ರಿ ಮಾಡಿಕೊಳ್ಳುವುದಿಲ್ಲ ಎಂದಿದ್ದ ಮಾಯಾವತಿ ಇದೀಗ ಗರಂ ಆಗಿದ್ದಾರೆ.

  
  

  
  ಪಂಚ ರಾಜ್ಯಗಳಲ್ಲಿ ವಿಧಾನಸಭೆ ಚುನಾವಣೆ ಘೋಷಣೆಯಾಗಿದ್ದು, ಚುಣಾವಣೆಯಲ್ಲಿ ಬಿಎಸ್ಪಿ ಏಕಾಂಗಿಯಾಗಿ ಸ್ಪರ್ಧಿಸುತ್ತದೆ. ಕಾಂಗ್ರೆಸ್ ಜತೆ ಭಿಕ್ಷೆ ಬೇಡುವ ಕೆಲಸ ಮಾಡುವುದಿಲ್ಲ. ಪಂಚ ರಾಜ್ಯಗಳ ಚುನಾವಣೆಯಲ್ಲಿ ಮೂರು ರಾಜ್ಯಗಳಲ್ಲಿ ಬಿಎಸ್‌ಪಿ-ಕಾಂಗ್ರೆಸ್‌ ಮೈತ್ರಿ ಮಾಡಿಕೊಳ್ಳಲಿದೆ ಎನ್ನಲಾಗಿತ್ತು. ಆದರೆ, ಮೈತ್ರಿ ಮಾಡಿಕೊಳ್ಳುವ ಯಾವುದೇ ವಿಚಾರ ಇಲ್ಲ ಎಂದು ಅವರು ತಿಳಿಸಿದ್ದಾರೆ.

  ಬಿಎಸ್‌ಪಿಯು ದಲಿತರ ಆತ್ಮಗೌರವದ ಪರ ಸದಾ ನಿಲ್ಲುತ್ತದೆ ಎಂದು ಹೇಳಿರುವ ಅವರು, ಹಿಂದುಳಿದವರ, ಮುಸ್ಲಿಮರ ಮತ್ತು ಬಡವರ ಪರ ನಿಲ್ಲುವುದನ್ನು ಅದು ಯಾವುದೇ ಕಾರಣಕ್ಕೂ ನಿಲ್ಲಿಸುವುದಿಲ್ಲ ಹಾಗಾಗಿಯೇ ನಾವು ಉತ್ತಮ ಸಂಖ್ಯೆಯ ಸೀಟುಗಳಿಗಾಗಿ ಕಾಂಗ್ರೆಸ್‌ ಬಳಿ ಮನವಿ ಮಾಡಿದ್ದೆವು ಎಂದು ಮಾಯಾವತಿ ಹೇಳಿದ್ದರು.