ಕ್ರಿಕೆಟ್‌‌ ಆಡುತ್ತಿದ್ದ ವೇಳೆ ಉರುಳಿ ಬಿದ್ದ ತೆಂಗಿನ ಮರ - ಬಾಲಕ ಮೃತ್ಯು

•   Sun, Jun 13 2021 11:35:09 AM



• ಮೈಸೂರು, ಜೂ 13 (DaijiworldNews/PY): ಕ್ರಿಕೆಟ್‌‌ ಆಡುತ್ತಿರುವ ವೇಳೆ ತೆಂಗಿನ ಮರವೊಂದು ಉರುಳಿ ಬಿದ್ದ ಪರಿಣಾಮ ಬಾಲಕ ಸಾವನ್ನಪ್ಪಿರುವ ಘಟನೆ ನಂಜನಗೂಡು ತಾಲ್ಲೂಕಿನ ಕುಪ್ಪರವಳ್ಳಿ ಗ್ರಾಮದಲ್ಲಿ ನಡೆದಿದೆ.

  
  ಸಾಂದರ್ಭಿಕ ಚಿತ್ರ

  ಮೃತ ಬಾಲಕನನ್ನು ಅಭಯ್‌ (6) ಎಂದು ಗುರುತಿಸಲಾಗಿದೆ.

  ಅಭಯ್‌‌ ತೋಟದ ಮನೆಯ ಬಳಿ ಕ್ರಿಕೆಟ್‌ ಆಡುತ್ತಿದ್ದ. ಈ ವೇಳೆ ತೆಂಗಿನ ಮರವೊಂದು ದಿಢೀರ್‌‌‌ ಉರುಳಿ ಬಿದ್ದಿದೆ. ಪರಿಣಾಮ ಆಟ ಆಡುತ್ತಿದ್ದ ಅಭಯ್‌‌ ಸಾವನ್ನಪ್ಪಿದ್ದಾನೆ. ಈ ಸಂದರ್ಭ ಅಭಯ್‌‌‌ ಜೊತೆಗಿದ್ದ ಬಾಲಕಿ ಗಾಯಗೊಂಡಿದ್ದು, ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಘಟನೆಯ ಬಗ್ಗೆ ಬಿಳಿಗೆರೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.