ಅಕ್ರಮ ಸಂಬಂಧದಿಂದ ಬಿರುಕುಬಿಟ್ಟಿದ್ದ ರಾಜ್ ಕುಂದ್ರಾ ಮೊದಲ ಮದುವೆ - ಶಿಲ್ಪಾ ಶೆಟ್ಟಿ ಅಪ್ಸೆಟ್

•   Sat, Jun 12 2021 03:59:26 PM



• ಮುಂಬೈ, ಜೂ.12 (DaijiworldNews/HR): ಕರಾವಳಿ ಬೆಡಗಿ, ನಟಿ ಶಿಲ್ಪಾ ಶೆಟ್ಟಿ ಹಾಗೂ ಉದ್ಯಮಿ ರಾಜ್​ಕುಂದ್ರಾ 2009ರಲ್ಲಿ ಮದುವೆಯಾಗಿ ಸುಖ ಸಂಸಾರ ನಡೆಸುತ್ತಿದ್ದಾರೆ. ಆದರೆ 12 ವರ್ಷಗಳ ನಂತರದಲ್ಲಿ ಶಿಲ್ಪಾ ಶೆಟ್ಟಿ ಇದೇ ಮೊದಲ ಬಾರಿಗೆ ರಾಜ್​ ಕುಂದ್ರಾ ವಿರುದ್ಧ ಕಿಡಿಕಾರಿದ್ದು, ಇದಕ್ಕೆ ಕಾರಣ ರಾಜ್​ ಕುಂದ್ರಾ ಮೊದಲ ಹೆಂಡತಿ ಕವಿತಾ ಕುಂದ್ರಾ.

  

  ರಾಜ್​ ಕುಂದ್ರಾ ಅವರು ಶಿಲ್ಪಾ ಶೆಟ್ಟಿಯನ್ನು ಮದುವೆ ಯಾಗುವ ಮೊದಲು ಕವಿತಾ ಕುಂದ್ರಾ ಅವರನ್ನು ಮದುವೆ ಆಗಿದ್ದರು. ಆದರೆ ರಾಜ್​ ಕುಂದ್ರಾ ಭಾವನ ಜತೆ ಸೇರಿಕೊಂಡು ಕವಿತಾ ಮೋಸ ಮಾಡಿರುವ ವಿಚಾರವನ್ನು ಸಾರ್ವಜನಿಕವಾಗಿ ರಾಜ್​ ಎಲ್ಲಿಯೂ ಬಾಯ್ಬಿಟ್ಟಿಲ್ಲ. ಆದರೆ ಆ ವಿಷಯವನ್ನು ಅವರು ಈಗ ಹೇಳಿಕೊಂಡಿದ್ದಾರೆ.

  ಸಂದರ್ಶನವೊಂದರನ್ನು ರಾಜ್​ ಕುಂದ್ರಾ ​, "ನನ್ನ ಮತ್ತು ಕವಿತಾ ಸಂಸಾರದಲ್ಲಿ ಬಿರುಕು ಮೂಡಲು ಶಿಲ್ಪಾ ಕಾರಣ ಎನ್ನುವ ಅನೇಕ ಸುದ್ದಿಗಳು ಹರಿದಾಡಿದ್ದವು. ಆದರೆ ಅದು ಸುಳ್ಳು ಸುದ್ದಿಯಾಗಿದೆ. ಈ ಬಗ್ಗೆ ಸಾರ್ವಜನಿಕವಾಗಿ ಮಾತನಾಡೋದು ಶಿಲ್ಪಾಗೆ ಇಷ್ಟವಾಗುವುದಿಲ್ಲ. ಈ ಲೇಖನಗಳು ಈಗ ಮತ್ತೆ ವೈರಲ್​ ಆಗುತ್ತಿದ್ದು, ಈ ಬಗ್ಗೆ ಮಾತನಾಡುವುದು ಶಿಲ್ಪಾಗೆ ಇಷ್ಟವಿಲ್ಲ. ಆದರೆ, ಒಂದು ದಿನ ಸತ್ಯ ಹೊರ ಬರಲೇಬೇಕು" ಎಂದರು.

  ರಾಜ್​ ಕುಂದ್ರಾ ಮೊದಲ ಪತ್ನಿ ಕವಿತಾ ಹಾಗೂ ರಾಜ್​ ತಂಗಿಯ ಗಂಡನ ನಡುವೆ ಅಕ್ರಮ ಸಂಬಂಧ ಇತ್ತು. ಇಬ್ಬರೂ ರೆಡ್​ ಹ್ಯಾಂಡ್​ ಆಗಿ ಸಿಕ್ಕಿ ಬಿದ್ದಿದ್ದರಂತೆ. ಈ ವಿಚಾರದ ಬಗ್ಗೆ ರಾಜ್​ ಎಲ್ಲಿಯೂ ಹೇಳಿಕೊಂಡಿರಲಿಲ್ಲ.

  ಇನ್ನು"ನನ್ನ ಮನೆಯಲ್ಲಿ ನಾನು, ನನ್ನ ತಂದೆ, ತಂಗಿ ಮತ್ತು ಅವಳ ಗಂಡ ವಾಸವಾಗಿದ್ದೆವು. ತಂಗಿಯ ಗಂಡ ಇಂಗ್ಲೆಂಡ್​ನಲ್ಲಿ ನೆಲೆಸಲು ಪ್ರಯತ್ನಿಸಿದ್ದು, ಆತನ ಜತೆ ನನ್ನ ಪತ್ನಿ ಕವಿತಾ ಹೆಚ್ಚು ಹೆಚ್ಚು ಸಮಯ ಕಳೆಯುತ್ತಿದ್ದು, ನನ್ನ ಕುಟುಂಬದವರು ಹಾಗೂ ಕಾರು ಚಾಲಕರು ಈ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದರು. ಆದರೆ ನಾನು ಅದನ್ನು ಎಂದಿಗೂ ನಂಬಲಿಲ್ಲ. ಆ ಬಳಿಕ ಒಂದು ದಿನ ಫೋನ್​ ನನ್ನ ಕೈಗೆ ಸಿಕ್ಕಗಾ ಎಲ್ಲವೂ ಬಹಿರಂಗವಾಯಿತು" ಎಂದು ಹೇಳಿದ್ದಾರೆ.