'ಕಿರಿಕ್​​ ಪಾರ್ಟಿಯ ಹಿಂದಿ ರಿಮೇಕ್​ನಲ್ಲಿ ನಾನು ಅಭಿನಯಿಸುವುದಿಲ್ಲ' - ರಶ್ಮಿಕಾ ಮಂದಣ್ಣ

•   Tue, May 18 2021 05:51:45 PM



• ಬೆಂಗಳೂರು, ಮೇ.18 (DaijiworldNews/HR): 2016ರ ಡಿಸೆಂಬರ್​ನಲ್ಲಿ ರಕ್ಷಿತ್ ಶೆಟ್ಟಿ ಮತ್ತು ರಶ್ಮಿಕಾ ಮಂದಣ್ಣ ನಟನೆಯಲ್ಲಿ ತೆರೆಕಂಡ ಕನ್ನಡದಲ್ಲಿ ಕಿರಿಕ್​ ಪಾರ್ಟಿ ಸಿನಿಮಾ ಸೂಪರ್​ ಹಿಟ್​ ಆಯಿದ್ದು, ಕೂಡಲೇ ಅದರ ರಿಮೇಕ್​ ಹಕ್ಕುಗಳಿಗೆ ಬೇಡಿಕೆ ಬಂದಿದ್ದು, ಬಾಲಿವುಡ್​ನಲ್ಲಿಯೂ ಚಿತ್ರ ರಿಮೇಕ್​ ಆಗಲಿದೆ ಎಂಬ ಮಾತುಗಳು ಕೇಳಿಬಂದಿದ್ದು, ನಟ ಕಾರ್ತಿಕ್​ ಆರ್ಯನ್​ ಮತ್ತು ಜಾಕ್ವಲಿನ್​ ಫರ್ನಾಂಡಿಸ್​ ಅವರು ಜೋಡಿಯಾಗಿ ನಟಿಸಲಿದ್ದಾರೆ ಎಂಬ ಸುದ್ದಿ ಹಬ್ಬಿತ್ತು.

  

  ಕಿರಿಕ್​ ಪಾರ್ಟಿ ನಟಿ ರಶ್ಮಿಕಾ ಮಂದಣ್ಣ ಈಗ ಬಾಲಿವುಡ್​ಗೆ ಕಾಲಿಟ್ಟಿದ್ದು, ಒಂದು ವೇಳೆ ಕಿರಿಕ್​ ಪಾರ್ಟಿ​ ರಿಮೇಕ್​ ಸೆಟ್ಟೇರಿದರೆ ಅದರಲ್ಲಿ ನೀವು ನಾಯಕಿಯಾಗಿ ನಟಿಸುತ್ತೀರಾ ಎಂಬ ಪ್ರಶ್ನೆ ಸಂದರ್ಶನವೊಂದರಲ್ಲಿ ಉತ್ತರಿಸಿದ ಅವರು, "ಖಂಡಿತವಾಗಿಯೂ ನಟಿಸುವುದಿಲ್ಲ. ಒಮ್ಮೆ ಆ ಪಾತ್ರದಲ್ಲಿ ನಟಿಸಿ ಅದರ ಭಾವನೆಗಳನ್ನು ಫೀಲ್​ ಮಾಡಿಕೊಂಡಿದ್ದೇನೆ. ಮತ್ತೆ ಅದನ್ನೇ ಮಾಡಿದರೆ ಹೊಸತನ ನೀಡಲು ನನ್ನಲ್ಲಿ ಏನೂ ಇಲ್ಲ" ಎಂದಿದ್ದಾರೆ.

  ಇನ್ನು "ಹೊಸ ಹೊಸ ಕಥೆಗಳ ಮೂಲಕ ಹೊಸ ಅನುಭವವನ್ನು ಪಡೆಯುವ ಅವಕಾಶ ನನಗಿರುವಾಗ ಮತ್ತೆ ನಾನೇಕೆ ಹಳೇ ಅನುಭವಕ್ಕೆ ಗಂಟುಬೀಳಬೇಕು? ಕಿರಿಕ್​ ಪಾರ್ಟಿ ಮಾತ್ರವಲ್ಲದೆ, ನನ್ನದೇ ಬೇರೆ ಯಾವ ಸಿನಿಮಾಗಳ ರಿಮೇಕ್​ನಲ್ಲಿಯೂ ನಾನು ನಟಿಸುವುದಿಲ್ಲ" ಎಂದು ಹೇಳಿದ್ದಾರೆ.

  ಸದ್ಯ ಅಲ್ಲು ಅರ್ಜುನ್​ ಜೊತೆ ನಟಿಸಿರುವ ಪುಷ್ಪ ಸಿನಿಮಾ ಎರಡು ಪಾರ್ಟ್​ಗಳಲ್ಲಿ ಮೂಡಿಬರಲಿದ್ದು, ಮೊದಲನೇ ಪಾರ್ಟ್​ಗೆ ಪುಷ್ಪ ಎಂಬ ಹೆಸರೇ ಇರಲಿದ್ದು, ಎರಡನೇ ಪಾರ್ಟ್​ಗೆ ಶೀರ್ಷಿಕೆ ಬದಲಾಯಿಸಲು ನಿರ್ದೇಶಕರು ಪ್ಲ್ಯಾನ್​ ಮಾಡುತ್ತಿದ್ದಾರೆ ಎಂಬ ಸುದ್ದಿ ಕೇಳಿಬರುತ್ತಿದೆ ಎನ್ನಲಾಗಿದೆ.