ಸುಳ್ಯ: ಕಳೆದ ವರ್ಷ ಔಷಧಿಗಾಗಿ 17 ಕಿ.ಮೀ ನಡೆದು ಸುದ್ದಿಯಾಗಿದ್ದ ಹಿರಿಯ ಮಹಿಳೆ ನಿಧನ

•   Sun, May 09 2021 06:24:02 PM



• ಸುಳ್ಯ, ಮೇ. 09 (DaijiworldNews/HR): ಕಳೆದ ವರ್ಷ ಲಾಕ್‌ಡೌನ್ ಸಮಯದಲ್ಲಿ ಔಷಧಿಗಳನ್ನು ಖರೀದಿಸಲು 17 ಕಿ.ಮೀ ನಡೆದು ನಡೆದ 66 ವರ್ಷದ ಮಹಿಳೆ ಮೇ 9 ನಿಧನರಾದ್ದಾರೆ.

  

  ಕೊಲ್ಲಮಗೋರು ಬಳಿಯ ಗಡಿಕಲ್ಲು ಎಂಬಲ್ಲಿನ ಗಂಗಮ್ಮ (66) ಆರೋಗ್ಯ ಸಮಸ್ಯೆಗಳಿಂದಾಗಿ ಕೊನೆಯುಸಿರೆಳೆದಿದ್ದಾರೆ.

  ಏಪ್ರಿಲ್ 2020 ರಲ್ಲಿ ಕೊರೊನಾ ನಿಯಂತ್ರಣಕ್ಕಾಗಿ ವಿಧಿಸಿದ್ದ ಲಾಕ್‌ಡೌನ್ ಸಂದರ್ಭ ಕೊಲ್ಲಮೊಗ್ರದಿಂದ ಗುತ್ರಿಗಾರುವರೆಗೆ ತನ್ನ ನರವೈಜ್ಞಾನಿಕ ಸಮಸ್ಯೆಗೆ ಔಷಧಿಗಳನ್ನು ಖರೀದಿಸಲು 17 ಕಿ.ಮೀ. ನಡೆದು ಸುದ್ದಿಯಾಗಿದ್ದ ಗಂಗಮ್ಮ ಇಂದು ನಿಧನರಾಗಿದ್ದಾರೆ.

  ಗಂಗಮ್ಮ ಕಳೆದ ಆರು ತಿಂಗಳಿನಿಂದ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿದ್ದಳು ಎನ್ನಲಾಗಿದೆ.

  ಮೃತರು ಪತಿ ಮತ್ತು ಇಬ್ಬರು ಗಂಡು ಮಕ್ಕಳನ್ನು ಅಗಲಿದ್ದಾರೆ.