ನಾನು ನಾಗರತ್ನರನ್ನು ಹೊಡೆದಿಲ್ಲ- ವಿಜಯ್ ಜಾಮೀನಿಗಾಗಿ ಪ್ರಯತ್ನ ಮುಂದುವರಿದಿದೆ - ಕೀರ್ತಿ ಗೌಡ

•   Tue, Sep 25 2018 05:05:14 PM



• ಬೆಂಗಳೂರು,ಸೆ 25 (MSP): ದುನಿಯಾ ವಿಜಯ್ ಕಷ್ಟದಲ್ಲಿರುವಾಗ ಅವರ ಮಾಜಿ ಪತ್ನಿ ವಿನಾಕರಣ ಮತ್ತಷ್ಟು ನಮ್ಮ ಕುಟುಂಬಕ್ಕೆ ತೊಂದರೆ ನೀಡಲು ಪ್ರಯತ್ನಿಸುತ್ತಿದ್ದಾರೆ. ನಾನು ಯಾವತ್ತು ನಾಗರತ್ನ ಮೇಲೆ ಕೈ ಮಾಡಿಲ್ಲ . ಇನ್ನೊಬ್ಬರ ಮೇಲೆ ಕೈ ಮಾಡುವಷ್ಟು ಕೆಟ್ಟವಳು ನಾನಲ್ಲ. ನಾನು ಹೊಡೆದಿದ್ದೇನೆ ಎಂದು ನಾಗರತ್ನ ಮಾಡಿರುವ ಆರೋಪ ಶುದ್ದ ಸುಳ್ಳು. ನಾನು ಈ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದು ತನಿಖೆ ಬಳಿಕ ಸತ್ಯ ಎಲ್ಲರಿಗೂ ಗೊತ್ತಾಗಲಿದೆ ಎಂದು ನಟ, ದುನಿಯಾ ವಿಜಯ್​ ಎರಡನೇ ಪತ್ನಿ ಕೀರ್ತಿ ಗೌಡ ಹೇಳಿದ್ದಾರೆ.

  

  ಈ ಬಗ್ಗೆ ಮಾಧ್ಯಮದವರ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿದ ಕೀರ್ತಿ, ನನ್ನ ಪತಿ ವಿಜಯ್ ನೋವಿನಲ್ಲಿದ್ದಾರೆ. ಅವರನ್ನು ಜೈಲಿಂದ ಹೊರಗೆ ಬರುವಂತೆ ಮಾಡುವುದಷ್ಟೇ ನನ್ನ ಗುರಿ. ನನಗೆ ಇನ್ಯಾವುದೇ ಹೋರಾಟವಿಲ್ಲ ಎಂದಿದ್ದಾರೆ. ನಾನು ವಿಜಯ್​ ಜತೆ ಅನೈತಿಕ ಸಂಬಂಧ ಹೊಂದಿದ್ದೇನೆ ಎಂದು ನಾಗರತ್ನ ಹೇಳಿದ್ದಾರೆ. ಆದ್ರೆ ಅವರ ಆರೋಪದಲ್ಲಿ ಹುರುಳಿಲ್ಲ. ಇಂಥಹ ಹೇಳಿಕೆಗಳ ಬಗ್ಗೆ ನಾನು ತಲೆಕೆಡಿಸಿಕೊಳ್ಳುವುದಿಲ್ಲ. ಆ ಭಗವಂತ ನೋಡಿಕೊಳ್ಳುತ್ತಾನೆ. ಈ ಬಗ್ಗೆ ನನಗೆ ಯಾವುದೇ ಕಾನೂನು ಹೋರಾಟ ಮಾಡಲಾಗಲಿ, ಮಾಧ್ಯಮದವರ ಮುಂದೆ ಬರಲು ಇಷ್ಟವಿಲ್ಲ ಎಂದು ಹೇಳಿದ್ದಾರೆ.