ಕೋವಿಡ್ : 'ಆರೋಗ್ಯ ಮೂಲಸೌಕರ್ಯ ಹೆಚ್ಚಿಸಲು 50,000 ಕೋಟಿ ರೂ.' - ಆರ್‌ಬಿಐ

•   Wed, May 05 2021 11:16:30 AM



• ನವದೆಹಲಿ, ಮೇ 05 (DaijiworldNews/MB) : ಮಾರ್ಚ್ 2022 ರವರೆಗೆ ಕೊರೊನಾ ಸಂಬಂಧಿತ ಆರೋಗ್ಯ ಮೂಲಸೌಕರ್ಯ ಮತ್ತು ಸೇವೆಗಳನ್ನು ಹೆಚ್ಚಿಸಲು ಆರ್‌ಬಿಐ 50,000 ಕೋಟಿ ರೂ.ಗಳ ದ್ರವ್ಯತೆಯನ್ನು ಪ್ರಕಟಿಸಿದೆ.

  

  ಈ ಬಗ್ಗೆ ಆರ್‌ಬಿಐ ಗವರ್ನರ್‌ ಶಕ್ತಿಕಾಂತ್ ದಾಸ್ ಅವರು ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ್ದು, ಕೊರೊನಾ ಕಾರಣದಿಂದಾಗಿ ಆರೋಗ್ಯ ಮೂಲಸೌಕರ್ಯ ಮತ್ತು ಸೇವೆಗಳನ್ನು ಹೆಚ್ಚಿಸಲು ಆರ್‌ಬಿಐ 50,000 ಕೋಟಿ ರೂ.ಗಳ ದ್ರವ್ಯತೆಯನ್ನು ಪ್ರಕಟಿಸಿದ್ದಾರೆ.

  ''ಕೊರೊನಾ ಹರಡುವಿಕೆ ವೇಗವೂ ತೀವ್ರವಾಗಿದೆ. ಈ ಸಂದರ್ಭದಲ್ಲಿ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಕೊರೊನಾ ಪರಿಸ್ಥಿತಿಯ ಮೇಲ್ವಿಚಾರಣೆ ಮಾಡುವುದನ್ನು ಮುಂದುವರಿಸುತ್ತದೆ. ಎಲ್ಲ ಸಂಪನ್ಮೂಲಗಳು ಮತ್ತು ಸಾಧನಗಳನ್ನು ಆದ್ಯತೆ ಮೇರೆಗೆ ವಿಶೇಷವಾಗಿ ಕೊರೊನಾ ಎರಡನೇ ಅಲೆಯಿಂದ ತೊಂದರೆಗೊಳಗಾದ ನಾಗರಿಕರು, ವ್ಯಾಪಾರ ಘಟಕಗಳು ಮತ್ತು ಸಂಸ್ಥೆಗಳಿಗೆ ನಿಯೋಜಿಸಲಾಗುವುದು'' ಎಂದು ಭರವಸೆ ನೀಡಿದರು.

  ಇನ್ನು ''ಈ ಸಂದರ್ಭದಲ್ಲೇ ಭಾರತದ ಹವಾಮಾನ ಇಲಾಖೆಯ ಸಾಮಾನ್ಯ ಮಾನ್ಸೂನ್‌ ಮುನ್ಸೂಚನೆಯು 2021-22ರಲ್ಲಿ ಗ್ರಾಮೀಣ ಬೇಡಿಕೆ ಮತ್ತು ಒಟ್ಟಾರೆ ಉತ್ಪಾದನೆಯನ್ನು ಉಳಿಸಿಕೊಳ್ಳುವ ನಿರೀಕ್ಷೆಯಿದೆ. ಆದರೆ ಹಣದುಬ್ಬರ ಒತ್ತಡಗಳ ಮೇಲೆ ಪರಿಣಾಮ ಬೀರಲಿದೆ'' ಎಂದು ಆತಂಕ ವ್ಯಕ್ತಪಡಿಸಿದರು.

  ''ಸಾಮಾನ್ಯ ಮಾನ್ಸೂನ್ ಆಹಾರದ ಬೆಲೆ ಒತ್ತಡವನ್ನು ಹೆಚ್ಚಿಸುತ್ತದೆ. ಅದರಲ್ಲೂ ವಿಶೇಷವಾಗಿ ಧಾನ್ಯಗಳು ಮತ್ತು ದ್ವಿದಳ ಧಾನ್ಯಗಳಲ್ಲಿ ಹೊಂದಲು ಸಹಾಯ ಮಾಡುತ್ತದೆ. ಏಪ್ರಿಲ್ 2021ರಲ್ಲಿಯೂ ವ್ಯಾಪಾರ ಆಮದು ಮತ್ತು ರಫ್ತುಗಳಲ್ಲಿ ಬೆಳವಣಿಗೆ ಕಾರ್ಯಕ್ಷಮತೆಗೆ ಸಾಕ್ಷಿಯಾಗಿದೆ. ವಿದೇಶಿ ವಿನಿಮಯ ಸಂಗ್ರಹವು ಜಾಗತಿಕ ಸ್ಪಿಲ್‌ಓವರ್‌ಗಳನ್ನು ಎದುರಿಸಲು ನಮಗೆ ವಿಶ್ವಾಸವನ್ನು ನೀಡುತ್ತದೆ'' ಎಂದು ಹೇಳಿದರು.

  ''ರೈಲ್ವೆ ಸರಕು ಸಾಗಣೆ ಏಪ್ರಿಲ್‌ನಲ್ಲಿ 76% ಕ್ಕಿಂತ ಹೆಚ್ಚಾಗಿದೆ. ಏಪ್ರಿಲ್‌ನಲ್ಲಿ ಟೋಲ್ ಸಂಗ್ರಹಣೆಗಳು ಕುಸಿದಿದೆ. ಆದರೆ ಏಪ್ರಿಲ್ 2020 ಕ್ಕಿಂತ ಉತ್ತಮವಾಗಿದೆ. ಏಪ್ರಿಲ್ 2021 ರಲ್ಲಿ ವಾಹನಗಳ ನೋಂದಣಿ ಮಾರ್ಚ್‌ಗೆ ಹೋಲಿಸಿದರೆ ಕಡಿಮೆಯಾಗಿದೆ. ಟ್ರ್ಯಾಕ್ಟರ್ ವಿಭಾಗದಲ್ಲಿ ವೇಗ ಮುಂದುವರೆದಿದೆ'' ಎಂದು ಮಾಹಿತಿ ನೀಡಿದ್ದಾರೆ.