ಕಾಸರಗೋಡು: ರೈಲಲ್ಲಿ ಮತ್ತು ಬರಿಸಿ ನಗ - ನಗದು ದರೋಡೆ

•   Mon, Sep 24 2018 02:44:41 PM



• ಕಾಸರಗೋಡು, ಸೆ 24 (MSP) : ಪ್ರಜ್ಞೆ ತಪ್ಪಿಸಿ ಪ್ರಯಾಣಿನೋರ್ವನ ನಗ - ನಗದು ದರೋಡೆಗೈದ ಘಟನೆ ಹಾಪಾ ಎಕ್ಸ್ ಪ್ರೆಸ್ ರೈಲಿನಲ್ಲಿ ನಡೆದಿದೆ. ಮುಂಬೈಯಿಂದ ಊರಿಗೆ ರೈಲಿನಲ್ಲಿ ಮರಳುತ್ತಿದ್ದ ಪಾಲಕ್ಕಾಡ್ ನ ಅರುಣ್ ಎಂಬವರು ದರೋಡೆಗೊಳಗಾದವರು. ಉದ್ಯೋಗ ಅರಸಿಕೊಂಡು ಕೆಲ ದಿನಗಳ ಹಿಂದೆ ಅರುಣ್ ಮುಂಬೈ ಗೆ ತೆರಳಿದ್ದು, ಅಲ್ಲಿ ಕೆಲಸ ಸರಿಯಾದಾಗ ಹಿನ್ನಲೆಯಲ್ಲಿ ಹಾಪಾ ಎಕ್ಸ್ ಪ್ರೆಸ್ ರೈಲಿ ನಲ್ಲಿ ಮರಳುತ್ತಿದ್ದಾಗ ಘಟನೆ ನಡೆದಿದೆ.

  

  ರೈಲಿನಲ್ಲಿ ಹಿಂದಿ ಮಾತನಾಡುವ ಪ್ರಯಾಣಿಕನೋರ್ವ ಪರಿಚಯವಾಗಿದ್ದು, ದಾರಿ ಮಧ್ಯೆ ಈತ ಬಿಸ್ಕೆಟ್ ನೀಡಿದ್ದು , ಅದನ್ನು ಸೇವಿಸಿದ ಬಳಿಕ ಈತ ಪ್ರಜ್ಞೆ ತಪ್ಪಿದ್ದು , ಇಂದು ಬೆಳಿಗ್ಗೆ ಕಾಸರಗೋಡಿಗೆ ತಲುಪಿದಾಗ ಪ್ರಜ್ಞೆ ಮರಳಿತ್ತು ಎಂದು ಅರುಣ್ ತಿಳಿಸಿದ್ದಾರೆ. ಅರುಣ ಧರಿಸಿದ್ದ ಒಂದೂವರೆ ಪವನ್ ಚಿನ್ನಾಭರಣ , ಎರಡು ಸಾವಿರ ರೂಪಾಯಿ ನಗದು , ಎಟಿಎಂ ಕಾರ್ಡು ಮೊದಲಾದವು ಒಳಗೊಂಡ ಪರ್ಸ್ ನ್ನು ದರೋಡೆ ಮಾಡಲಾಗಿದೆ. ಕಾಸರಗೋಡು ನಿಲ್ದಾಣದಲ್ಲಿ ರೈಲ್ವೆ ಪೊಲೀಸರಿಗೆ ಅರುಣ್ ಮಾಹಿತಿ ನೀಡಿದ್ದು , ಬಳಿಕ ಪೊಲೀಸರು ಕಾಸರಗೋಡು ಜನರಲ್ ಆಸ್ಪತ್ರೆಗೆ ದಾಖಲಿಸಿದ್ದಾರೆ.