ಮಂಗಳೂರು, ಮೇ. 01 (DaijiworldNews/HR): ನೇತ್ರಾವತಿ ಸೇತುವೆಯ ಮೇಲಿಂದ ಮಹಿಳೆಯು ಕಸ ಎಸೆಯುವ ವಿಡಿಯೋ ಸಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ಈ ವೈರಲ್ ವೀಡಿಯೊದಲ್ಲಿ, ಮಹಿಳೆಯೊಬ್ಬರು ನೋಂದಣಿ ಸಂಖ್ಯೆ ಕೆಎ 03 ಎನ್ಬಿ 4648 ಸಂಖ್ಯೆ ಹೊಂದಿರುವ ಕಾರಿನಿಂದ ಹೊರಬಂದು ಕಸ ತುಂಬಿದ ಪ್ಲಾಸ್ಟಿಕ್ ಅನ್ನು ನೇತ್ರಾವತಿ ನದಿಗೆ ಎಸೆಯುತ್ತಿದ್ದಾರೆ.
ಈ ವರ್ಷದ ಆರಂಭದಲ್ಲಿ ಎನ್ಜಿಒಗಳು "ನಮ್ಮ ನೇತ್ರಾವತಿ ನಮ್ಮ ಜವಾಬ್ದಾರಿ" ಎಂಬ ವಿಷಯದೊಂದಿಗೆ ಕ್ಲೀನ್ ಅಪ್ ಡ್ರೈವ್ ಅನ್ನು ಪ್ರಾರಂಭಿಸಿ ರಾಷ್ಟ್ರೀಯ ಹೆದ್ದಾರಿ 66 ರ ಪಕ್ಕದಲ್ಲಿ ಕಸವನ್ನು ಸ್ವಚ್ಚಗೊಳಿಸಿದ್ದರು. ಕೆಲವು ಸಂಸ್ಥೆಗಳು ಮತ್ತು ಇತರ ಎನ್ಜಿಒಗಳು ಸಹ ಸ್ವಯಂಪ್ರೇರಣೆಯಿಂದ ಕೈಜೋಡಿಸಿವೆ.
ಈ ವಿಡಿಯೋವು ನೆಟ್ಟಿಗರನ್ನು ಕೆರಳಿಸಿದ್ದು, ಅನೇಕರು ಅಪರಾಧಿಗಳ ವಿರುದ್ಧ ದೂರು ದಾಖಲಿಸಬೇಕು ಎಂದು ಒತ್ತಾಯಿಸಿದ್ದಾರೆ. ಕೆಲವರು ಅವರನ್ನು ಅನಾಗರಿಕರು ಎಂದು ಕರೆದಿದ್ದಾರೆ.