ಒಂದೇ ಮಂಟಪದಲ್ಲಿ ಗಣಪತಿ ಮತ್ತು ಮೊಹರಂ ದೇವರು - ಹಿಂದೂ-ಮುಸ್ಲಿಮರಿಂದ ಸೌಹಾರ್ದತೆಯ ಹಬ್ಬ

•   Sat, Sep 22 2018 11:16:02 AM



• ಮಹಾರಾಷ್ಟ್ರ, ಸೆ22(SS): ಗಣೇಶ್ ಹಬ್ಬ ಮತ್ತು ಮೊಹರಂ ಈ ಬಾರಿ ಕೂಡಿ ಬಂದಿದ್ದು. ಹಿಂದೂ ಮುಸ್ಲಿಂ ಬಾಂಧವರು ಭಾವೈಕ್ಯತೆ ಸಂದೇಶ ಸಾರಿದ್ದಾರೆ.ಇಲ್ಲಿನ ಮುಂಬ್ರಾ ಪ್ರದೇಶದಲ್ಲಿ ಹಿಂದೂ-ಮುಸ್ಲಿಂ ಬಾಂಧವರು ಜತೆಗೂಡಿ ಒಂದೇ ಮಂಟಪದಡಿ ಗಣೇಶ ಚತುರ್ಥಿ ಮತ್ತು ಮೊಹರಂ ಆಚರಿಸಿ ಕೋಮುಸಾಮರಸ್ಯ ಮೆರೆದಿದ್ದಾರೆ. 

  

  ಏಕ್ತಾ ಮಿತ್ರ ಮಂಡಲ್ ಅವರು ಈ ವಿನೂತನ ಕಾರ್ಯಕ್ರಮಕ್ಕೆ ಕಾರಣೀಭೂತರಾಗಿದ್ದು, ಒಂದೆ ಮಂಟಪದ ಇಕ್ಕೆಲಗಳಲ್ಲಿ ಗಣೇಶ ಪೂಜೆ ಮತ್ತು ಮೊಹರಂ ಆಚರಣೆ ನಡೆಸಿದ್ದಾರೆ. ಹಿಂದೂ-ಮುಸ್ಲಿಂ ಭಾಂಧವರು ಒಟ್ಟಾಗಿ ಗಣೇಶ ಹಬ್ಬ ಮತ್ತು ಮೊಹರಂ ಹಬ್ಬವನ್ನು ಅತ್ಯಂತ ವಿಜೃಂಭಣೆಯಿಂದ ಆಚರಿಸಿದ್ದಾರೆ.

  ಏಕಕಾಲಕ್ಕೆ ಗಣೇಶ ಹಬ್ಬ ಮತ್ತು ಮೊಹರಂ ಹಬ್ಬ ಆಚರಣೆ ಮಾಡಿ ಸೌಹಾರ್ದತೆ ಸಾರಿದ್ದಾರೆ. ಒಂದೇ ಕಡೆ ಗಣೇಶ ಮೂರ್ತಿ ಮತ್ತು ಮೊಹರಂ ದೇವರನ್ನು ಕೂರಿಸಿ ಹಿಂದೂ-ಮುಸ್ಲಿಂ ಭಕ್ತರು ಪೂಜೆ ನೆರವೇರಿಸಿದ್ದಾರೆ.