ಕೊರೊನಾ ಹೆಚ್ಚಳದ ನಡುವೆ ರಾಜ್ಯದಲ್ಲಿ 10 ಸ್ಥಳೀಯ ಸಂಸ್ಥೆಗಳ ಮತದಾನ ಆರಂಭ

•   Tue, Apr 27 2021 09:32:49 AM



• ಬೆಂಗಳೂರು, ಏ.27 (DaijiworldNews/MB) : ರಾಜ್ಯದಲ್ಲಿ ತೀವ್ರಗತಿಯಲ್ಲಿ ಕೊರೊನಾ ಸೋಂಕು ಪ್ರಕರಣಗಳು ಹರಡುತ್ತಿರುವ ಮಧ್ಯೆಯೇ ಎಂಟು ಜಿಲ್ಲೆಗಳ ಎಂಟು ಸ್ಥಳೀಯ ಸಂಸ್ಥೆಗಳ 266 ವಾರ್ಡ್‌ಗಳಿಗೆ ಮಂಗಳವಾರ ನಿಗದಿತ ಪ್ರಕಾರವಾಗಿ ಚುನಾವಣೆ ನಡೆಸುವುದಾಗಿ ರಾಜ್ಯ ಚುನಾವಣಾ ಆಯೋಗ ಸೋಮವಾರ ಪ್ರಕಟಿಸಿದ್ದು ಮಂಗಳವಾರ ಚುನಾವಣೆ ಆರಂಭವಾಗಿದೆ.

  

  ಎಸ್‌ಇಸಿಯ ನಿರ್ದೇಶನದ ಪ್ರಕಾರ, ಎಂಟು ಜಿಲ್ಲೆಗಳಲ್ಲಿ 266 ವಾರ್ಡ್‌ಗಳನ್ನು ಹೊಂದಿರುವ 10 ಸ್ಥಳೀಯ ಸಂಸ್ಥೆಗಳಿಗೆ ಚುನಾವಣೆ ನಡೆಯಲಿದೆ. ಬಳ್ಳಾರಿಯ ಬಳ್ಳಾರಿ ಸಿಟಿ ಕಾರ್ಪೊರೇಷನ್, ಬೆಂಗಳೂರು ಗ್ರಾಮೀಣ ಪ್ರದೇಶದ ವಿಜಯಪುರ ಮಹಾನಗರ ಪಾಲಿಕೆ, ರಾಮನಗರ ನಗರ ಮುನ್ಸಿಪಾಲ್ ಕಾರ್ಪೊರೇಷನ್‌, ರಾಮನಗರ ಜಿಲ್ಲೆಯ ಚನ್ನಪಟ್ಟಣ ನಗರ ಮುನ್ಸಿಪಾಲ್ ಕಾರ್ಪೊರೇಶನ್,
  ಚಿಕ್ಕಬಳ್ಳಾಪುರ ಜಿಲ್ಲೆಯ ಗುಡಿಬಂಡೆ ಪಟ್ಟಣ ಪಂಚಾಯತ್, ಭದ್ರಾವತಿ ನಗರ ಮುನ್ಸಿಪಾಲ್ ಕಾರ್ಪೋರೇಶನ್, ಶಿವಮೊಗ್ಗ ಜಿಲ್ಲೆಯ ತೀರ್ಥಹಳ್ಳಿ ಪಟ್ಟಣ ಪಂಚಾಯತ್, ಹಾಸನ ಜಿಲ್ಲೆಯ ಬೇಳೂರು ನಗರ ಮುನ್ಸಿಪಾಲ್‌ ಕೌನ್ಸಿಲ್, ಕೊಡಗು ಜಿಲ್ಲೆಯ ಮಡಿಕೇರಿ ನಗರ ಪಾಲಿಕೆ ಹಾಗೂ ಬೀದರ್‌ನ ಬೀದರ್ ನಗರ ಪಾಲಿಕೆಯ ಚುನಾವಣೆ ನಡೆಯಲಿದೆ.

  ಈ ಎಂಟು ಜಿಲ್ಲೆಗಳಲ್ಲಿ, ಬೆಂಗಳೂರು ಗ್ರಾಮೀಣ, ಚಿಕ್ಕಬಳ್ಳಾಪುರ ಮತ್ತು ರಾಮನಗರ ಜಿಲ್ಲೆಗಳಿಗೆ 20,000 ಕ್ಕೂ ಹೆಚ್ಚು ಪ್ರಕರಣಗಳನ್ನು ದಾಖಲಾಗಿರುವ ಬೆಂಗಳೂರು ಜಿಲ್ಲೆಯ ಗಡಿಭಾಗವಿದೆ.

  "ಈ 10 ಸ್ಥಳೀಯ ಸಂಸ್ಥೆಗಳ ಜೊತೆಗೆ, ಬೀದರ್‌ ಹಾಗೂ ಹಾವೇರಿಯ ತಲಾ ಒಂದು ವಾರ್ಡ್‌‌ ಉಪಚುನಾವಣೆಯನ್ನು ಎದುರಿಸುತ್ತಿದೆ. ಈ ಮತದಾನ ಮಂಗಳವಾರ (ನಾಳೆ) ನಡೆಯಲಿದೆ" ಎಂದು ಸುತ್ತೋಲೆ ತಿಳಿಸಿದೆ.

  ಚುನಾವಣೆ ನಡೆಸಲು ಹೈಕೋರ್ಟ್ ನಿರ್ದೇಶನ ನೀಡಿದ ನಂತರ ಈ ಸಂಸ್ಥೆಗಳು ಮತದಾನ ಪ್ರಕ್ರಿಯೆ ನಡೆಸಲು ಮುಂದಾಗಿದೆ. ಕೊರೊನಾ ಮಾರ್ಗಸೂಚಿ ಜಾರಿಯಲ್ಲಿವೆ ಎಂದು ಎಸ್ಇಸಿ ತನ್ನ ನಿರ್ದೇಶನದಲ್ಲಿ ಹೇಳಿದೆ.

  ಭಾನುವಾರ ರಾತ್ರಿ ಬಿಡುಗಡೆಯಾದ ಆರೋಗ್ಯ ಬುಲೆಟಿನ್ ಪ್ರಕಾರ, ಕೊಡಗು ಜಿಲ್ಲೆಯಲ್ಲಿ 1,077, ಬೆಂಗಳೂರು ಗ್ರಾಮೀಣ ಪ್ರದೇಶದಲ್ಲಿ 864, ಹಾಸನದಲ್ಲಿ 768, ಬಳ್ಳಾರಿಯಲ್ಲಿ 732, ಚಿಕ್ಕಬಳ್ಳಾಪುರಲ್ಲಿ 434, ಶಿವಮೊಗ್ಗದಲ್ಲಿ 418, ಬೀದರ್‌ನಲ್ಲಿ 406 ಮತ್ತು ರಾಮನಗರದಲ್ಲಿ 225 ಪ್ರಕರಣಗಳು ದಾಖಲಾಗಿದೆ.