ಮಂಗಳೂರು: ಟ್ರಾಫಿಕ್ ಪೊಲೀಸರೊಂದಿಗೆ ಅಸಭ್ಯ ವರ್ತನೆ - ಓರ್ವ ಅರೆಸ್ಟ್

•   Sat, Apr 17 2021 07:41:20 PM



• ಮಂಗಳೂರು, ಏ. 17 (DaijiworldNews/HR): ಟ್ರಾಫಿಕ್ ಪೊಲೀಸರೊಂದಿಗೆ ಕೆಟ್ಟದಾಗಿ ವರ್ತಿಸಿದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ ಘಟನೆ ಶನಿವಾರ ಬಲ್ಮಠದಲ್ಲಿ ನಡೆದಿದೆ.

  

  ಬಂಧಿತನನ್ನು ಎಕ್ಕೂರು ನಿವಾಸಿ ಜಗನ್ (23) ಎಂದು ಗುರುತಿಸಲಾಗಿದೆ.

  ಆರೋಪಿ ಸಿಗ್ನಲ್ ಪಾಸ್ ಮಾಡಿದಕ್ಕಾಗಿ ಟ್ರಾಫಿಕ್ ಪೊಲೀಸ್ ಸಿಬ್ಬಂದಿ ಯಶ್ವಂತ್ ರಾಥೋಡ್ ಎಂಬವರು ಜಗನ್‌ನನ್ನು ನಿಲ್ಲಿಸಿದ್ದು, ಬಳಿಕ ಆರೋಪಿಯು ರಸ್ತೆ ಮಧ್ಯದಲ್ಲಿ ಪೊಲೀಸ್ ಸಿಬ್ಬಂದಿಯೊಂದಿಗೆ ಕೆಟ್ಟದಾಗಿ ವರ್ತಿಸಿದ್ದಾನೆ.

  ಇನ್ನು ಆರೋಪಿಗಳನ್ನು ಬಂಧಿಸಲಾಗಿದ್ದು, ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುವುದು ಎಂದು ಪೊಲೀಸ್ ಆಯುಕ್ತ ಎನ್.ಶಶಿ ಕುಮಾರ್ ಮಾಹಿತಿ ನೀಡಿದ್ದಾರೆ.