ನೈಜರ್‌ನಲ್ಲಿ ಸಾಮೂಹಿಕ ಹತ್ಯಾಕಾಂಡ - ಮೂರು ಗಂಟೆಗಳಲ್ಲಿ 137 ಮಂದಿಯ ಹತ್ಯೆ

•   Tue, Mar 23 2021 02:51:33 PM



• ಮಾಲಿ‌, ಮಾ.23 (DaijiworldNews/PY): ಪಶ್ಚಿಮ ಆಫ್ರಿಕಾ ಭಾಗದಲ್ಲಿರುವ ನೈಜರ್‌ ದೇಶದಲ್ಲಿ ಉಗ್ರರ ಅಟ್ಟಹಾಸ ಮುಂದುವರೆದಿದ್ದು, ಬೈಕ್‌ನಲ್ಲಿ ಬಂದ ದುಷ್ಕರ್ಮಿಗಳು ಗುಂಡಿನ ದಾಳಿ ನಡೆಸಿ, ಮೂರು ಗಂಟೆಗಳಲ್ಲಿ 137 ಮಂದಿಯನ್ನು ಹತ್ಯೆಗೈದಿದ್ದಾರೆ ಎಂದು ವರದಿಯಾಗಿದೆ.

  
  ಸಾಂದರ್ಭಿಕ ಚಿತ್ರ

  ಅಲ್ಲದೇ, ಅಲ್ಲಿನ ಮನೆಗಳಿಗೆ ಬೆಂಕಿ ಹಚ್ಚಿದ್ದು, ಜನಸಮೂಹದ ಮೇಲೆ ಗುಂಡಿನ ದಾಳಿ ನಡೆಸಿದ್ದಾರೆ ಎನ್ನಲಾಗಿದೆ.

  ಹೆಚ್ಚಿನ ಸಂಖ್ಯೆಯಲ್ಲಿ ಬಂದ ದಾಳಿಕೋರರು ಬೈಕ್‌ನಲ್ಲಿ ಪ್ರಯಾಣಿಸುತ್ತಿದ್ದರು ಎಂದು ತಿಳಿದುಬಂದಿದೆ.

  ಈ ದಾಳಿಯನ್ನು ಸರ್ಕಾರದ ವಕ್ತಾರ ಅಬ್ದುಲ್ ರಹಮಾನ್ ಝಕಾರಿಯಾ ಅವರು ಖಚಿತಪಡಿಸಿದ್ದಾರೆ.

  ನೈಜರ್‌ನಲ್ಲಿ ನಡೆದ ದಾಳಿಯ ಜವಾಬ್ದಾರಿಯನ್ನು ಈವರೆಗೆ ಯಾವುದೇ ಭಯೋತ್ಪಾದಕ ಸಂಘಟನೆ ವಹಿಸಿಕೊಂಡಿಲ್ಲ.