ಬಂಟ್ವಾಳ: ಕಳೆದು ಹೋದ ಹಣ ಮರಳಿ ವಾರಸುದಾರರ ಕೈ ಸೇರಿತು !

•   Tue, Aug 28 2018 05:13:55 PM



• ಬಂಟ್ವಾಳ, ಆ 28 (MSP): ಬಿಸಿರೋಡಿನ ಹೃದಯ ಭಾಗದಲ್ಲಿ ಬಿದ್ದು ಸಿಕ್ಕಿದ ಸಾವಿರಾರು ರೂ ಹಣ ಮರಳಿ ವಾರಸುದಾರರು ಮರಳಿ ಕೈ ಸೇರಿದ ಘಟನೆ ಬಂಟ್ವಾಳ ನಗರ ಠಾಣೆಯಲ್ಲಿ ನಡೆಯಿತು.

  

  ಆಗಸ್ಟ್ 27 ರ ಸೋಮವರ ಬೆಳಿಗ್ಗೆ ಸುಮಾರು 10.30 ರ ಸಮಯ ಬಿಸಿರೋಡು ರಕ್ತೇಶ್ವರಿ ದೇವಿ ದೇವಸ್ಥಾನ ದ ಮುಂಭಾಗದಲ್ಲಿ ಬಂಟ್ವಾಳ ಗ್ರಾಮಾಂತರ ಪೋಲೀಸ್ ಠಾಣೆಯ ಸಿಬ್ಬಂದಿ ಕುಮಾರ್ ಅಂಗಡಿ ಹಾಗೂ ವೃತ್ತ ನಿರೀಕ್ಷಕ ರ ಕಚೇರಿಯ ಸಿಬ್ಬಂದಿ ಶ್ರೀಧರ್ ಅವರು ನಡೆದುಕೊಂಡು ಹೋಗುತ್ತಿದ್ದ ವೇಳೆ ಬಿದ್ದಿದ್ದ 11,000 ಸಾವಿರ ಹಣವನ್ನು ನಗರ ಠಾಣೆಗೆ ಹಸ್ತಾಂತರ ಮಾಡಿದ್ದರು.

  ಬಳಿಕ ಹಣದೊರಕಿದ ಮಾಹಿತಿಯನ್ನು ಮಾಧ್ಯಮ ಗಳ ಪ್ರಕಟಿಸಿಲಾಗಿತ್ತು. ಮಾಧ್ಯಮ ವರದಿಯನ್ನು ಗಮನಿಸಿ ಹಣ ಕಳೆದುಕೊಂಡ ಬಂಟ್ವಾಳ ತಾಲೂಕಿನ ನೆತ್ತರಕೆರೆ ನಿವಾಸಿ ರವಿ ಅವರು ಠಾಣೆಗೆ ಅಗಮಿಸಿ ಹಣವನ್ನು ಕಳೆದುಕೊಂಡ ಬಗ್ಗೆ ವಿವರವಾಗಿ ತಿಳಿಸಿ ಹಣವನ್ನು ಪಡೆದುಕೊಂಡರು. ಜನಾರ್ದನ ಮಡಿವಾಳ ಅವರು ಜಾಗದ ಸರ್ವೆ ಮಾಡಿಸಲು ಹನ್ನೊಂದು ಸಾವಿರ ಹಣವನ್ನು ರವಿ ಅವರಿಗೆ ನೀಡಿದ್ದರು. ರವಿ ಅವರು ಯಾವುದೋ ಕೆಲಸಕ್ಕಾಗಿ ಕಿಸೆಯಿಂದ ಹಣ ತೆಗೆದಾಗ ಹಣ ದಾರಿಯಲ್ಲಿ ಬಿದ್ದಿದೆ ಎಂದು ಅವರು ತಿಳಿಸಿದ್ದಾರೆ.ನಗರ ಠಾಣಾ ಎಸ್ ಐ. ಚಂದ್ರಶೇಖರ್ ಅವರ ಸಮಕ್ಷಮ ಹಣವನ್ನು ವಾರಸುದಾರರಿಗೆ ನೀಡಲಾಯಿತು.