ಸೌದಿ ತೈಲ ಘಟಕದ ಮೇಲೆ ಯೆಮನ್‌‌‌ನ ಹೌತಿ ಗುಂಪಿನಿಂದ ಡ್ರೋನ್‌ ದಾಳಿ

•   Sat, Mar 20 2021 11:50:33 AM



• ದುಬೈ‌‌, ಮಾ.20 (DaijiworldNews/PY): ಸೌದಿ ರಾಜಧಾನಿ ರಿಯಾದ್‌ನಲ್ಲಿರುವ ತೈಲ ಉತ್ಪನ್ನ ಘಟಕದ ಮೇಲೆ ಯೆಮನ್‌‌‌ನ ಹೌತಿ ಗುಂಪು ಡ್ರೋನ್‌ ದಾಳಿ ನಡೆಸಿದೆ ಎಂದು ವರದಿಯಾಗಿದೆ.

  

  "ಘಟನೆಯಲ್ಲಿ ಯಾವುದೇ ಸಾವು-ನೋವು ಸಂಭವಿಸಿಲ್ಲ. ತೈಲ ಉತ್ಪನ್ನಗಳ ಸರಬರಾಜಿಗೆ ಯಾವುದೇ ತೊಂದರೆಯಾಗಿಲ್ಲ" ಎಂದು ಇಂಧನ ಸಚಿವಾಲಯ ತಿಳಿಸಿದೆ.

  ಘಟನಾ ಸ್ಥಳಕ್ಕೆ ತಕ್ಷಣವೇ ಆಗಮಿಸಿದ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಜ್ವಾಲೆ ನಂದಿಸಲು ಯಶಸ್ವಿಯಾಗಿದ್ದಾರೆ.

  ತೈಲ ಘಟಕದ ಮೇಲೆ ನಡೆದ ದಾಳಿಯ ಪರಿಣಾಮ ಕಟ್ಟಡದ ಕೆಲಭಾಗ ನಾಶವಾಗಿರುವುದು ಕಂಡುಬಂದಿದೆ. ಆದರೆ, ತೈಲ ಬಾವಿಗೆ ಬೆಂಕಿ ಬಿದ್ದಿರುವ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ತಿಳಿದುಬಂದಿಲ್ಲ.