ನವಜಾತ ಶಿಶುವನ್ನು ಬಿಸಿನೀರಿನಲ್ಲಿ ಮುಳುಗಿಸಿ ಹತ್ಯೆಗೈದ ತಾಯಿ

•   Sat, Mar 20 2021 09:10:16 AM



• ಇಂಗ್ಲೆಂಡ್‌‌‌‌, ಮಾ.20 (DaijiworldNews/PY): ಮಹಿಳೆಯೊಬ್ಬರು ನವಜಾತ ಶಿಶುವನ್ನು ನೀರಿನಲ್ಲಿ ಮುಳುಗಿಸಿ ಹತ್ಯೆಗೈದ ಘಟನೆ ಇಂಗ್ಲೆಂಡ್‌ನಲ್ಲಿ ನಡೆದಿದೆ.

  

  29 ವರ್ಷದ ಮಹಿಳೆ ಮನೆಯಲ್ಲಿಯೇ ಮಗುವಿಗೆ ಜನ್ಮ ನೀಡಿದ್ದಳು. ನಂತರ ಆಕೆ ಆ ಮಗುವನ್ನು ಬಿಸಿ ನೀರಿನಲ್ಲಿ ಮುಳುಗಿಸಿ ಹತ್ಯೆಗೈದಿದ್ದಾಳೆ. ಅಲ್ಲದೇ, ಆಕೆ ಮಗುವಿನ ಶವವನ್ನು ಸಮಾಧಿ ಮಾಡಿದ್ದಳು.

  ನವಜಾತ ಶಿಶುವನ್ನು ಕುದಿಯುತ್ತಿರುವ ನೀರಿನಲ್ಲಿ ಹಾಕಿದ ತಾಯಿ, ಮಗು ಸತ್ತ ಬಳೀಕ ಅದನ್ನು ಪ್ಲಾಸ್ಟಿಕ್‌‌ ಕವರ್‌ನಲ್ಲಿ ಸುತ್ತಿ ಜಮೀನಲ್ಲಿ ಹೂತಿದ್ದಾಳೆ. ನಂತರ ಆಕೆ ಈ ವಿಚಾರವನ್ನು ತನ್ನ ಸ್ನೇಹಿತೆಯ ಬಳಿ ಹೇಳಿಕೊಂಡಿದ್ದಾಳೆ. ಆದರೆ, ಆಕೆಯ ಸ್ನೇಹಿತೆ ಈ ಮಾಹಿತಿಯನ್ನು ಪೊಲೀಸರಿಗೆ ತಿಳಿಸಿದ್ದಾಳೆ.

  ಪ್ರಾಥಮಿಕ ತನಿಖೆಯ ಸಂದರ್ಭ ಮಹಿಳೆ ಮಗುವನ್ನು ಆಳವಾದ ಗುಂಡಿಯಲ್ಲಿ ಹೂತಿದ್ದಳು ಎಂದು ತಿಳಿದುಬಂದಿದೆ. ನವಜಾತ ಶಿಶುವನ್ನು ಕೊಂಡ ಆರೋಪದಡಿ ತಾಯಿ ವಿರುದ್ದ ದೂರು ದಾಖಲಾಗಿದ್ದು, ಆಕೆಯನ್ನು ಬ್ರಿಟಿಷ್‌ ಮ್ಯಾಜಿಸ್ಟ್ರೇಟ್​ ಕೋರ್ಟ್​ಗೆ ಹಾಜರುಪಡಿಸಲಾಗಿದೆ.

  ಅಪರಾಧಿ ಮಹಿಳೆಯ ಗೆಳತಿ ನೀಡಿದ ಮಾಹಿತಿಯ ಮೇರೆಗೆ ಪೊಲೀಸರು ಈ ಪ್ರಕರಣದ ತನಿಖೆ ಕೈಗೆತ್ತಿಕೊಂಡಿದ್ದಾರೆ.