ಪಾಕ್‌ ಏಜೆಂಟರಿಗೆ ಮಾಹಿತಿ ಸೋರಿಕೆ - ಯೋಧನನ್ನು ಬಂಧಿಸಿದ ಗುಪ್ತಚರ ಇಲಾಖೆ

•   Mon, Mar 15 2021 09:48:19 AM



• ಜೈಪುರ, ಮಾ.15 (DaijiworldNews/PY): "ಯೋಧರೊಬ್ಬರನ್ನು ಪಾಕಿಸ್ತಾನದ ಏಜೆಂಟರಿಗೆ ಗೌಪ್ಯ ಮಾಹಿತಿ ಸೋರಿಕೆ ಮಾಡಿದ ಆರೋಪ ಮೇರೆಗೆ ಬಂಧಿಸಲಾಗಿದೆ" ಎಂದು ಗುಪ್ತಚರ ಇಲಾಖೆಯ ಅಧಿಕಾರಿಯೋರ್ವರು ಹೇಳಿದ್ದಾರೆ.

  
  ಸಾಂದರ್ಭಿಕ ಚಿತ್ರ

  ಬಂಧಿತ ಯೋಧನನ್ನು ರಾಜಸ್ಥಾನದ ಸಿಕಾರ್ ಜಿಲ್ಲೆಯ ನಿವಾಸಿಆಕಾಶ್‌‌ ಮಹರಿಯಾ (22) ಎಂದು ಗುರುತಿಸಲಾಗಿದೆ. ಇವರನ್ನು ಸಿಕ್ಕಿಂನಲ್ಲಿ ಕರ್ತವ್ಯಕ್ಕೆ ನಿಯೋಜನೆ ಮಾಡಲಾಗಿತ್ತು.

  "ಸಾಮಾಜಿಕ ಜಾಲತಾಣಗಳ ಮುಖೇನ ಪಾಕಿಸ್ತಾನದ ಗುಪ್ತಚರ ಏಜೆಂಟ್‌ಗಳ ಸಂಪರ್ಕಕ್ಕೆ ಬಂದಿರುವ ಯೋಧ ಆಕಾಶ್‌, ಗೌಪ್ಯವಾದ ಮಾಹಿತಿಗಳನ್ನು ಸೋರಿಕೆ ಮಾಡುತ್ತಿದ್ದರು" ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  "ಗುಪ್ತಚರ ಇಲಾಖೆ ಆಕಾಶ್‌ನನ್ನು ವಿಚಾರಣೆ ನಡೆಸಿದ್ದು, ಬಳಿಕ ಆತನನ್ನು ಬಂಧಿಸಲಾಗಿದೆ. ಪ್ರಕರಣದ ಸಂಬಂಧ ತನಿಖೆ ನಡೆಸಲಾಗುತ್ತಿದೆ" ಎಂದು ಹೇಳಿದ್ದಾರೆ.