ಸಿಂಪಲ್​ ಸ್ಟಾರ್ ರಕ್ಷಿತ್​ ಶೆಟ್ಟಿಗೆ ರಶ್ಮಿಕಾ ನಂತರ ರುಕ್ಮಿಣಿ ಮೇಲೆ ಮನಸು

•   Sat, Mar 13 2021 05:05:01 PM



• ಬೆಂಗಳೂರು, ಮಾ.13 (DaijiworldNews/HR): ನಟ ರಕ್ಷಿತ್​ ಶೆಟ್ಟಿ ಅವರು ಲವ್​ ಬಗ್ಗೆ ಮಾತು ಶುರುಮಾಡಿದರೆ ಎಲ್ಲರ ಕಿವಿ ನೆಟ್ಟಗಾಗುತ್ತದೆ, ಅಂತೆಯೇ ಇದೀಗ ರಕ್ಷಿತ್​ ಒಂದು ಸೀರಿಯಸ್​ ಲವ್​ ಸ್ಟೋರಿ ಬಗ್ಗೆ ಮಾತನಾಡಿದ್ದಾರೆ. ಇದು ನಟಿ ರುಕ್ಮಿಣಿ ವಸಂತ್​ ಜೊತೆಗಿನ ಪ್ರೇಮ್​ ಕಹಾನಿ ಎಂಬುದು ವಿಶೇಷವಾಗಿದೆ.

  

  ಇದು ಸಿನಿಮಾ ಕಥೆಯಲ್ಲಿನ ಲವ್​ ಸ್ಟೋರಿ. ರಕ್ಷಿತ್​ ಶೆಟ್ಟಿ ಮತ್ತು ರುಕ್ಮಿಣಿ ವಸಂತ್​ ಜೊತೆಯಾಗಿ 'ಸಪ್ತ ಸಾಗರದಾಚೆ ಎಲ್ಲೋ' ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದು, ಇದು ಒಂದು ಪೇಮಕಥೆಯ ಸಿನಿಮಾ ಆಗಿದ್ದು, ಆ ಬಗ್ಗೆ ರಕ್ಷಿತ್​ ಕೆಲವು ಮಾಹಿತಿ ಬಿಟ್ಟುಕೊಟ್ಟು ಚಿತ್ರದ ಬಗ್ಗೆ ನಿರೀಕ್ಷೆ ಹೆಚ್ಚಾಗುವಂತೆ ಮಾಡಿದ್ದಾರೆ.

  ಈ ಕುರಿತು ಮಾತನಾಡಿರುವ ರಕ್ಷಿತ್​ ಶೆಟ್ಟಿ, "ಮೊದಲ ಬಾರಿಗೆ ನಾನು ಒಂದು ಸೀರಿಯಸ್​ ಲವ್​ ಸ್ಟೋರಿ ಕಥೆಯ ಸಿನಿಮಾದಲ್ಲಿ ನಟಿಸುತ್ತಿದ್ದು, ಇದಕ್ಕೆ ಹೇಮಂತ್​ ರಾವ್​ ನಿರ್ದೇಶನ ಮಾಡುತ್ತಿದ್ದಾರೆ. ಅವರ ಜೊತೆ ನಾನು ಗೋಧಿಬಣ್ಣ ಸಾಧಾರಣ ಮೈಕಟ್ಟು ಸಿನಿಮಾದಲ್ಲಿ ಕೆಲಸ ಮಾಡಿದ್ದೆ. ಅವರು ಎಮೋಷನ್​ಗಳನ್ನು ಚೆನ್ನಾಗಿ ಚಿತ್ರಿಸುತ್ತಾರೆ ಎಂಬುದು ನನಗೆ ಗೊತ್ತಿದೆ, ಆದರೆ ಅವರು ಇಂಥ ಒಂದು ಸೀರಿಯಸ್​ ಲವ್​ಸ್ಟೋರಿಯನ್ನು ತೆರೆ ಮೇಲೆ ಹೇಗೆ ತೋರಿಸುತ್ತಾರೆ ಎಂಬ ಕುತೂಹಲ ನನಗೆ ಇದೆ" ಎಂದಿದ್ದಾರೆ .

  ಇನ್ನು ಇದೊಂದು ಬಹಳ ಅದ್ಭುತವಾದ ಕಥೆಯಾಗಿದ್ದು, ಒಬ್ಬ ನಟನಾಗಿ ನನಗೆ ಇದು ಹೆಚ್ಚು ಖುಷಿ ನೀಡಿದೆ. ಎರಡು ಶೇಡ್​ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದೇನೆ. ಇಲ್ಲಿಯವರೆಗೆ ನಾನು ಇಷ್ಟು ಸೀರಿಯಸ್​ ಆದ ಲವ್​ಸ್ಟೋರಿಯ ಸಿನಿಮಾದಲ್ಲಿ ನಟಿಸಿರಲಿಲ್ಲ ಎಂದರು.

  ಈ ಪಾತ್ರಕ್ಕಾಗಿ ರುಕ್ಮಿಣಿ ಮತ್ತು ರಕ್ಷಿತ್​ ತಯಾರಿ ನಡೆಸಬೇಕಿದ್ದು, ಲವ್​ ಸ್ಟೋರಿ ಸಿನಿಮಾ ಮಾಡುವಾಗ ನಟ-ನಟಿಯ ಮಧ್ಯೆ ಕೆಮಿಸ್ಟ್ರೀ ತುಂಬ ಮುಖ್ಯ ಆಗುತ್ತದೆ. ಅದಕ್ಕಾಗಿ ನಾನು ಮತ್ತು ರುಕ್ಮಿಣಿ 10 ದಿನಗಳ ಕಾಲ ವರ್ಕ್​ಶಾಪ್​ನಲ್ಲಿ ಪಾಲ್ಗೊಳ್ಳಲಿದ್ದೇವೆ ಎಂದು ರಕ್ಷಿತ್​ ಹೇಳಿದ್ದಾರೆ.

  ಇನ್ನು ಡಿ.31ಕ್ಕೆ ‘ಸಪ್ತ ಸಾಗರದಾಚೆ ಎಲ್ಲೋ’ ತೆರೆ ಮೇಲೆ ಬರಲಿದೆ ಎನ್ನಲಾಗಿದೆ.