5 ರ ಬಾಲೆ ಮೇಲೆ ಅತ್ಯಾಚಾರಗೈದವನ ಪೋಷಕರಿಗೂ ಜೈಲು ಶಿಕ್ಷೆ ವಿಧಿಸಿದ ಕೋರ್ಟ್

•   Mon, Mar 08 2021 04:14:59 PM



• ಉತ್ತರಾಖಂಡ್​, ಮಾ.08 (DaijiworldNews/MB): ಐದು ವರ್ಷದ ಬಾಲಕಿಯನ್ನು ಅತ್ಯಾಚಾರ ಮಾಡಿ ಹತ್ಯೆಗೈದ ಆರೋಪದಲ್ಲಿ ಅಪರಾಧಿಗೆ ಮರಣದಂಡನೆ ಶಿಕ್ಷೆ ವಿಧಿಸಿರುವ ಉತ್ತರಾಖಂಡ್​ನ ಪೋಸ್ಕೋ ಕೋರ್ಟ್, ಆತನ ಪೋಷಕರಿಗೂ ಜೈಲು ಶಿಕ್ಷೆ ವಿಧಿಸಿದೆ.

  

  2019ರ ಫೆಬ್ರವರಿ 19ರಂದು ಯುಎಸ್​ ನಗರದ ರುದ್ರಪುರ ಟ್ರಾನ್ಸಿಟ್​ ಕ್ಯಾಂಪ್​ ಕಾಲೋನಿಯಲ್ಲಿ ಐದು ವರ್ಷದ ಮಗು ನಾಪತ್ತೆಯಾಗಿದ್ದು ಈ ಬಗ್ಗೆ ದೂರು ದಾಖಲು ಮಾಡಲಾಗಿತ್ತು. ಈ ಮಗು ಇದ್ದ ಮೇಲ್ಛಾವಣಿಯಲ್ಲಿ ಆರೋಪಿ ಹರ್ಸ್ವರೂಪ್ ಇದ್ದ ಆತ ವಾಟರ್​ ಟ್ಯಾಂಕ್​ನ ಮುಚ್ಚಳವನ್ನು ತೆಗೆಯುತ್ತಿದ್ದ ಎಂದು ದೂರುದಾರರು ಆರೋಪ ಮಾಡಿದ್ದರು.

  ಈ ದೂರಿನ ಆಧಾರದಲ್ಲಿ ಆತನನ್ನು ಕಸ್ಟಡಿಗೆ ಪಡೆದು ವಿಚಾರಣೆ ನಡೆಸಿದ ಪೊಲೀಸರು ಆತನ ಮನೆಯಲ್ಲಿಯೇ ಮಗುವಿನ ಮೃತ ದೇಹವಿದ್ದ ಬ್ಯಾಗ್‌ ಅನ್ನು ಪತ್ತೆಹಚ್ಚಿದ್ದರು. ಈ ಮೃತ ದೇಹದ ಮರಣೋತ್ತರ ಪರೀಕ್ಷೆ ನಡೆಸಿದಾಗ ಬಾಲಕಿ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿ ಹತ್ಯೆ ಮಾಡಲಾಗಿದೆ ಎಂದು ತಿಳಿದು ಬಂದಿದೆ. ಬಳಿಕ ಹರ್ಸ್ವರೂಪ್‌ನ ಪೋಷಕರನ್ನೂ ಬಂಧಿಸಲಾಗಿತ್ತು.

  ಈ ಪ್ರಕರಣಕ್ಕೆ ಸಂಬಂಧಿಸಿ ತೀರ್ಪು ನೀಡಿದ ವಿಶೇಷ ನ್ಯಾಯಾಧೀಶೆ ವಿಜಯಲಕ್ಷ್ಮೀ ವಿಹಾನ್​, ಅಪರಾಧಿಗೆ ಮರಣದಂಡನೆ ಶಿಕ್ಷೆ ವಿಧಿಸಿದ್ದು ಆತನ ತಂದೆ ಪಾಪೂಗೆ 4 ವರ್ಷ ಜೈಲು ಹಾಗೂ ತಾಯಿ ರೂಪಾವತಿಗೆ 3 ವರ್ಷ ಜೈಲು ಶಿಕ್ಷೆಯನ್ನು ವಿಧಿಸಿದ್ದಾರೆ.