'ನಾನು ಒತ್ತೆಯಾಳಾಗಿ ಬಂಧಿಯಾಗಿದ್ದು, ಉಳಿಯುವ ಖಾತರಿ ಇಲ್ಲ' - ದುಬೈ ರಾಜಕುಮಾರಿ ಸಂದೇಶ

•   Wed, Feb 17 2021 02:56:49 PM



• ದುಬೈ, ಫೆ.17 (DaijiworldNrews/HR): ದುಬೈನ ಪ್ರಭಾವಿ ದೊರೆಯ ಪುತ್ರಿ 2018ರಲ್ಲಿ ದೇಶವನ್ನು ತೊರೆಯಲು ಯತ್ನಿಸುವ ಸಂದರ್ಭದಲ್ಲಿ ಕಮಾಂಡೊಗಳಿಂದ ಬಂಧಿತರಾಗಿದ್ದು, "ಈ ಸ್ಥಿತಿಯಲ್ಲಿ ನಾನು ಉಳಿಯುತ್ತೇನೆ ಎನ್ನುವ ಬಗ್ಗೆ ಖಾತರಿ ಇಲ್ಲ" ಎಂದು ಹೊಸ ವಿಡಿಯೊ ಸಂದೇಶದಲ್ಲಿ ರಾಜಕುಮಾರಿ ಹೇಳಿದ್ದಾರೆ ಎಂದು ತಿಳಿದು ಬಂದಿದೆ.

  

  ಈ ವಿಡಿಯೊ ಬಿಡುಗಡೆಯಾಗಿದ್ದು, ಶೇಖಾ ಲತೀಫಾ ಬಿಂತ್ ಮುಹಮ್ಮದ್ ಅಲ್ ಮಕ್ತುಮ್ ಅವರು "ಜೈಲು ವಿಲ್ಲಾ" ದಲ್ಲಿ ಇರುವುದನ್ನು ತೋರಿಸುತ್ತದೆ ಎನ್ನಲಾಗಿದೆ.

  ಇನ್ನು "ನಾನು ಒತ್ತೆಯಾಳಾಗಿ ಬಂಧಿಯಾಗಿದ್ದೇನೆ ಎಂದು ಒಂದು ವಿಡಿಯೊದಲ್ಲಿ ಶೇಖಾ ಹೇಳಿದ್ದು, "ಈ ವಿಲ್ಲಾವನ್ನು ಜೈಲಾಗಿ ಪರಿವರ್ತಿಸಲಾಗಿದೆ. ತಾಜಾ ಗಾಳಿ ಸೇವಿಸಲು ಕೂಡಾ ನಾನು ಹೊರಹೋಗುವಂತಿಲ್ಲ" ಎಂದು ಹೇಳಿದ್ದಾರೆ.