'ನಾಳೆ ನನ್ನ ಜನ್ಮದಿನಕ್ಕೆ ಫ್ಲೆಕ್ಸ್‌, ಬ್ಯಾನರ್‌‌ ಹಾಕಬೇಡಿ, ಶುಭಕೋರಲು ಬರಬೇಡಿ' - ಕಾರ್ಯಕರ್ತರಲ್ಲಿ ಬೊಮ್ಮಾಯಿ ಮನವಿ

•   Wed, Jan 27 2021 01:14:25 PM



• ಬೆಂಗಳೂರು, ಜ.27 (DaijiworldNews/PY): "ನನ್ನ ಜನ್ಮ ದಿನದಂದು ಯಾವುದೇ ಕಾರ್ಯಕರ್ತರು ಫ್ಲೆಕ್ಸ್‌, ಬ್ಯಾನರ್, ಹೋರ್ಡಿಂಗ್ಸ್ ಹಾಕಬೇಡಿ. ಆ ದಿನದಂದು ನಾನು ಇಲಾಖೆಯ ಕಾರ್ಯಕ್ರಮದಲ್ಲಿ ಭಾಗಿಯಾಗಿರುತ್ತೇನೆ. ಯಾರೂ ಶುಭಾಶಯ ತಿಳಿಸಲು ಬರಬೇಡಿ" ಎಂಬುದಾಗಿ ಕಾರ್ಯಕರ್ತರಲ್ಲಿ ಗೃಹ ಸಚಿವ ಬಸವರಾಜ್ ಬೊಮ್ಮಾಯಿ ಮನವಿ ಮಾಡಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, "ಜ.28ರ ಗುರುವಾರದಂದು ನನ್ನ ಜನ್ಮದಿನವಿದ್ದು, ಈ ಮೂಲಕ ವಿನಂತಿಸುವುದೇನೆಂದರೆ ನನ್ನ ಜನ್ಮದಿನದಂದು ಯಾರೂ ಕೂಡಾ ಫ್ಲೆಕ್ಸ್‌, ಬ್ಯಾನರ್‍ಸ್‌‌, ಹೋರ್ಡಿಂಗ್ಸ್‌‌‌‌ ಹಾಕಬೇಡಿ. ಕೊರೊನಾ ಮುನ್ನೆಚ್ಚರಿಕ ಹಿನ್ನೆಲೆಯಲ್ಲಿ ಉಡುಗೊರೆ, ಶಾಲು, ಮಾಲೆ, ಹೂಗುಚ್ಚಗಳೊಂದಿಗೆ ಶುಭಾಶಯ ಕೋರಲು ಆಗಮಿಸಬಾರದೆಂದು ಮನವಿ ಮಾಡಿಕೊಳ್ಳುತ್ತೇನೆ" ಎಂದಿದ್ದಾರೆ.

  "ಆ ದಿನದಂದು ನಾನು ಇಲಾಖೆಗಳ ಕಾರ್ಯಕ್ರಮಗಳ ನಿಮಿತ್ತ ಪ್ರವಾಸದಲ್ಲಿರುತ್ತೇನೆ. ಈ ಸಂಬಂಧ ಯಾವುದೇ ಚಟುವಟಿಕೆಗಳಿಗೆ ದುಂದು ವೆಚ್ಚಮಾಡದೇ ಅದೇ ಹಣದಿಂದ ಕೊರೊನಾ ಸಂಕಷ್ಟಕ್ಕೆ ಸಿಲುಕಿರುವ ಬಡಜನರ ಸೇವೆಗೈಯಿರಿ ಎಂದು ನನ್ನ ಎಲ್ಲಾ ಕಾರ್ಯಕರ್ತರು, ಸ್ನೇಹಿತರು ಹಾಗೂ ಹಿತೈಷಿಗಳಲ್ಲಿ ಕಳಕಳಿಯ ಮನವಿ ಮಾಡುತ್ತೇನೆ" ಎಂದು ತಿಳಿಸಿದ್ದಾರೆ.

  ಆತ್ಮೀಯ ಕಾರ್ಯಕರ್ತರು, ಹಿತೈಷಿಗಳು ಹಾಗೂ ಸ್ನೇಹಿತರಲ್ಲಿ ನನ್ನ ಮನಃಪೂರ್ವಕ ನಿವೇದನೆ.... pic.twitter.com/U9uIRUeT7l

  — Basavaraj S Bommai (@BSBommai) January 26, 2021