ಚೀನಾದ ಕೊರೊನಾ ಲಸಿಕೆಯ ತುರ್ತು ಬಳಕೆಗೆ ಪಾಕಿಸ್ತಾನ ಅನುಮೋದನೆ

•   Tue, Jan 19 2021 03:33:58 PM



• ಇಸ್ಲಾಮಾಬಾದ್, ಜ.19 (DaijiworldNews/MB) : ಚೀನಾದ ಸಿನೊಫಾರ್ಮ್ ಕೊರೊನಾ ಲಸಿಕೆಯ ತುರ್ತು ಬಳಕೆಗೆ ಪಾಕಿಸ್ತಾನ ಅನುಮೋದನೆ ನೀಡಿದೆ.

  

  ಈ ಬಗ್ಗೆ ಮಾಹಿತಿ ನೀಡಿರುವ ಡಿಆರ್‌ಪಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡಾ.ಅಸಿಮ್ ರೌಫ್, ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಹೆಲ್ತ್ (ಎನ್‌ಐಹೆಚ್) ಸಿನೊಫಾರ್ಮ್‌ನ ಲಸಿಕೆಯ ತುರ್ತು ಬಳಕೆಗೆ ಅನುಮೋದನೆ ನೀಡಲಾಗಿದೆ. ಚೀನಾ ಮೂಲದ ಈ ಲಸಿಕೆ ಪಾಕಿಸ್ತಾನಕ್ಕೆ ತರಲಾಗುತ್ತದೆ ಎಂದು ಸಂದರ್ಶನವೊಂದರಲ್ಲಿ ಹೇಳಿರುವುದಾಗಿ ವರದಿಯಾಗಿದೆ.

  ಇನ್ನು ಪಾಕಿಸ್ತಾನವು ಈಗಾಗಲೇ 1.1 ಮಿಲಿಯನ್ ಡೋಸ್ ಸಿನೊಫಾರ್ಮ್‌ನ ಕೊರೊನಾ ಲಸಿಕೆಯನ್ನು ಕಾಯ್ದಿರಿಸಿದ್ದು ಶೀಘ್ರದಲ್ಲೇ ಆಮದು ಮಾಡಲಿದೆ ಎಂದು ಕೂಡಾ ವರದಿಯಾಗಿದೆ.

  ಎರಡು ದಿನಗಳ ಹಿಂದೆ ಪಾಕಿಸ್ತಾನವು ಆಕ್ಸ್‌ಫರ್ಡ್-ಅಸ್ಟ್ರಾಜೆನೆಕಾ ಕೊರೊನಾ ಲಸಿಕೆಯ ತುರ್ತು ಬಳಕೆಗೆ ಅನುಮೋದನೆ ನೀಡಿದೆ.