'ಇನ್ನೂ ಸಮಯವಿದೆ, ಮೋದಿ ಜಿ ಅನ್ನದಾತರಿಗೆ ಬೆಂಬಲ ನೀಡಿ' - ರಾಹುಲ್‌ ಗಾಂಧಿ

•   Sun, Jan 10 2021 04:29:21 PM



• ನವದೆಹಲಿ, ಜ.10 (DaijiworldNews/PY): ಕೇಂದ್ರ ಸರ್ಕಾರದ ನೂತನ ಕೃಷಿ ಕಾಯ್ದೆಗಳನ್ನು ರದ್ದುಗೊಳಿಸುವಂತೆ ದೆಹಲಿಯ ಗಡಿಗಳಲ್ಲಿ ರೈತರು ನಡೆಸುತ್ತಿರುವ ಹೋರಾಟ ಸಾಗುತ್ತಿರುವಂತೆ ಪ್ರಧಾನಿ ಮೋದಿ ಅವರಲ್ಲಿ ಪಟ್ಟು ಬಿಡುವಂತೆ ಕಾಂಗ್ರೆಸ್‌ ನಾಯಕ ರಾಹುಲ್‌‌‌ ಮನವಿ ಮಾಡಿದ್ದು, "ಇನ್ನೂ ಸಮಯವಿದೆ, ಮೋದಿ ಜಿ ಅನ್ನದಾತರನ್ನು ಬೆಂಬಲಿಸಿ" ಎಂದಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, "ಇನ್ನೂ ಸಮಯವಿದೆ, ಮೋದಿ ಜಿ ಅನ್ನದಾತರಿಗೆ ಬೆಂಬಲ ನೀಡಿ. ಬಂಡವಾಳಶಾಹಿಗಳನ್ನು ತೊಲಗಿಸಿ" ಎಂದು ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಹೇಳಿದ್ದಾರೆ.

  ಇದಕ್ಕೆ ಸಂಬಂಧಿಸಿದಂತೆ 2015 ಎಪ್ರಿಲ್‌ನಲ್ಲಿ ಸಂಸತ್ತಿನಲ್ಲಿ ಮಾಡಿರುವ ಭಾಷಣದ ವಿಡಿಯೋವೊಂದನ್ನು ಪೋಸ್ಟ್‌ ಮಾಡಿರುವ ರಾಹುಲ್‌‌‌, "ರೈತರು ದೇಶದ ಶಕ್ತಿ" ಎಂದಿದ್ದಾರೆ.

  ಮಳೆ, ಚಳಿಯನ್ನೂ ಲೆಕ್ಕಿಸದೇ ರೈತರು ಪ್ರತಿಭಟನೆ ನಡೆಸುತ್ತಿದ್ದಾರೆ. ರೈತ ಸಂಘಟನೆಗಳನ್ನು ಪ್ರತಿಭಟನೆಯನ್ನು ಮತ್ತಷ್ಟು ತೀವ್ರಗೊಳಿಸಲು ತೀರ್ಮಾನ ಮಾಡಿದ್ದು, ಜ.26ರ ಗಣರಾಜ್ಯೋತ್ಸವದಂದು ಟ್ರ್ಯಾಕ್ಟರ್ ರ‍್ಯಾಲಿ ನಡೆಸಲು ತೀರ್ಮಾನ ಕೈಗೊಂಡಿದ್ದಾರೆ.

  अब भी वक़्त है मोदी जी, अन्नदाता का साथ दो, पूँजीपतियों का साथ छोड़ो! pic.twitter.com/yztDVwokWZ

  — Rahul Gandhi (@RahulGandhi) January 10, 2021