ರೂಪಾಂತರಿ ಕೊರೊನಾ ವೈರಸ್‌ - ಗಣರಾಜ್ಯೋತ್ಸವಕ್ಕಾಗಿ ಕೈಗೊಂಡಿದ್ದ ಭಾರತ ಭೇಟಿ ರದ್ದುಪಡಿಸಿದ ಬ್ರಿಟನ್‌ ಪ್ರಧಾನಿ

•   Wed, Jan 06 2021 12:26:10 PM



• ನವದೆಹಲಿ, ಜ.06 (DaijiworldNews/PY): ಬ್ರಿಟನ್‌ ಪ್ರಧಾನಿ ಬೋರಿಸ್‌ ಜಾನ್ಸನ್‌‌ ಅವರನ್ನು ಈ ಬಾರಿಯ ಗಣರಾಜ್ಯೋತ್ಸವಕ್ಕೆ ಆಹ್ವಾನಿಸಲಾಗಿದ್ದು, ಆದರೆ, ದೇಶದಲ್ಲಿ ರೂಪಾಂತರಿ ಕೊರೊನಾ ವೈರಸ್‌ ವ್ಯಾಪಕವಾಗಿ ಹರಡುತ್ತಿರುವ ಹಿನ್ನೆಲೆ ಅವರು ಭಾರತ ಭೇಟಿ ರದ್ದು ಮಾಡಿದ್ದಾರೆ.

  

  "ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ ಬ್ರಿಟನ್‌‌‌‌‌ ಪ್ರಧಾನಿ ಬೋರಿಸ್‌ ಜಾನ್ಸನ್‌ ಅವರು ಮಾತನಾಡಿದ್ದಾರೆ. ಬ್ರಿಟನ್‌ನಲ್ಲಿ ರೂಪಾಂತರಿ ಕೊರೊನಾ ವೈರಸ್‌ ವ್ಯಾಪಕವಾಗಿ ಹರಡುತ್ತಿದೆ. ಈ ಹಿನ್ನೆಲೆ ಭಾರತ ಭೇಟಿಯನ್ನು ರದ್ದು ಮಾಡಬೇಕಾಗಿದೆ. ಈ ವಿಚಾರಕ್ಕಾಗಿ ವಿಷಾಧಿಸುತ್ತೇನೆ" ಎಂದು ಜಾನ್ಸನ್‌ ತಿಳಿಸಿದ್ದಾರೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

  ರೂಪಾಂತರಿ ಕೊರೊನಾ ವೈರಸ್‌ ವ್ಯಾಪಿಸುತ್ತಿರುವ ಹಿನ್ನೆಲೆ ಬುಧವಾರದಿಂದ ಬ್ರಿಟನ್‌ನಲ್ಲಿ ಪುನಃ ಲಾಕ್‌‌‌ಡೌನ್‌ ಘೋಷಿಸಲಾಗಿದೆ.