ಉಡುಪಿ: ಬಡ ಕುಟುಂಬಕ್ಕೆ ವಿದ್ಯುತ್ ಸಂಪರ್ಕ ಕಲ್ಪಿಸಿದ ನವ ವಿವಾಹಿತ ಜೋಡಿ

•   Sun, Jan 03 2021 11:01:08 PM



• ಉಡುಪಿ, ಜ 03 (DaijiworldNews/SM): ನವವಿವಾಹಿತ ದಂಪತಿಗಳು ತಮ್ಮ ಮದುವೆಯ ದಿನದಂದು ದಲಿತ ಕುಟುಂಬವೊಂದಕ್ಕೆ ಒದಗಿಸಿದ ವಿದ್ಯುತ್ ನಿಯಂತ್ರಣ ಬೋರ್ಡನ್ನು ಉದ್ಘಾಟಿಸಿದರು.

  

  

  

  

  

  ವರ ಶರಣ್ ಶೆಟ್ಟಿ ಮತ್ತು ವಧು ನವ್ಯಾ ಶೆಟ್ಟಿ ಅವರು ಹಣಕಾಸಿನ ನೆರವು ನೀಡಿದ ಪರಿಣಾಮ ಲೀಲಾ ಅವರ ಕುಟುಂಬಕ್ಕೆ ವಿದ್ಯುತ್ ಸೌಲಭ್ಯ ಕಲ್ಪಿಸಲಾಯಿತು. ಆಸರೆ ಚಾರಿಟೇಬಲ್ ಟ್ರಸ್ಟ್ (ರಿ) ಜೊತೆಗೆ ಉಡುಪಿ ಸರ್ವಜನಿಕಾ ಗಣೇಶೋತ್ಸವ ಸಮಿತಿ ಕಡಿಯಾಲಿ ಕುಟುಂಬಕ್ಕೆ ವಿದ್ಯುತ್ ಸಂಪರ್ಕವನ್ನು ಒದಗಿಸಲು ನೆರವಾಯಿತು. ದಂಪತಿಗಳು ಟ್ರಸ್ಟ್‌ಗೆ ವಿದ್ಯುತ್ ಸಂಪರ್ಕವನ್ನು ಪೂರೈಸಲು ಬೇಕಾದ ಒಟ್ಟು ಮೊತ್ತವನ್ನು ದಾನ ರೂಪದಲ್ಲಿ ನೀಡಿದರು.

  ತಮ್ಮ ವಿವಾಹ ಸಮಾರಂಭದ ನಂತರ, ದಂಪತಿಗಳು ಲೀಲಾ ಅವರ ಮನೆಗೆ ಭೇಟಿ ನೀಡಿ ವಿದ್ಯುತ್ ನಿಯಂತ್ರಣ ಬೋರ್ಡನ್ನು ಉದ್ಘಾಟಿಸಿದರು. ಆಸರೆ ಚಾರಿಟೇಬಲ್ ಟ್ರಸ್ಟ್‌ನ ಮುಖ್ಯ ಕಾರ್ಯದರ್ಶಿ ಕೆ.ರಾಘವೇಂದ್ರ ಕಿಣಿ, ಖಜಾಂಚಿ ಸತೀಶ್ ಕೆ ಕುಲಾಲ್, ಚೇತನ್ ಕುಮಾರ್, ಅನಿಲ್ ಶೆರಿಗರ್, ಓವಿನ್, ಅಶ್ವಿನ್ ಶೆಟ್ಟಿ, ಅರುಣ್ ಎಸ್ ಪೂಜಾರಿ, ಪ್ರಶಾಂತ್ ಪೆರಂಪಲ್ಲಿ, ಡೆನ್ನಿಸ್ ಪ್ರಸನ್ನ, ಆಕಾಶ್ ಪೂಜಾರಿ, ಯಶೋಧಾ ಅವರ ಕುಟುಂಬ ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.