ನವದೆಹಲಿ: ಜ. 8 ರಿಂದ ಭಾರತ-ಯುಕೆ ನಡುವೆ ವಿಮಾನ ಸೇವೆ ಪುನರಾರಂಭ

•   Fri, Jan 01 2021 11:34:29 PM



• ನವದೆಹಲಿ, ಜ. 01 (DaijiworldNews/SM): ಭಾರತ ಮತ್ತು ಯುಕೆ ನಡುವಿನ ಸ್ಥಗಿತಗೊಳಿಸಲಾಗಿದ್ದ ವಿಮಾನ ಸೇವೆಗಳು 2021 ರ ಜನವರಿ 8 ರಿಂದ ಪುನರಾರಂಭಗೊಳ್ಳಲಿವೆ ಎಂದು ನಾಗರಿಕ ವಿಮಾನಯಾನ ಸಚಿವ ಹರ್ದೀಪ್ ಸಿಂಗ್ ಪುರಿ ಶುಕ್ರವಾರ ತಿಳಿಸಿದ್ದಾರೆ.

  

  ಕಳೆದ ತಿಂಗಳು, ಯುಕೆನಲ್ಲಿ ಪತ್ತೆಯಾದ ರೂಪಾಂತರಿತ ಕೋವಿಡ್ -19 ಸೋಂಕು ಹರಡುವುದನ್ನು ತಡೆಯಲು ಈ ಸೇವೆಗಳನ್ನು ಸ್ಥಗಿತಗೊಳಿಸಲಾಗಿತ್ತು.

  "ಭಾರತ ಮತ್ತು ಯುಕೆ ನಡುವಿನ ವಿಮಾನಗಳು ಪುನರಾರಂಭಗೊಳ್ಳಲು ನಿರ್ಧರಿಸಲಾಗಿದೆ" ಎಂದು ಟ್ವೀಟ್‌ನಲ್ಲಿ ಸಚಿವರು ತಿಳಿಸಿದ್ದಾರೆ.

  ಹೊಸ ರೂಪಾಂತರಿತ ಕೋವಿಡ್ -19 ಒತ್ತಡದ ಹಿನ್ನೆಲೆಯಲ್ಲಿ ಭಾರತ ಸೇರಿದಂತೆ ಹಲವಾರು ದೇಶಗಳು ಯುಕೆಗೆ ವಿಮಾನ ಸೇವೆಗಳನ್ನು ಸ್ಥಗಿತಗೊಳಿಸಿದ್ದವು.