ರಾಜೀನಾಮೆ ಹಿಂಪಡೆದ ಬಿಜೆಪಿ ಸಂಸದ ಮನ್‌ಸುಖ್‌ ವಾಸವ

•   Wed, Dec 30 2020 03:55:48 PM



• ನವದೆಹಲಿ,ಡಿ.30 (DaijiworldNews/HR): ಗುಜರಾತ್ ಸಚಿವ ಮನ್‌ಸುಖ್ ಭಾಯ್ ವಸಾವ ನಿನ್ನೆ ಬಿಜೆಪಿಗೆ ರಾಜಿನಾಮೆ ನೀಡಿದ್ದು, ಇದೀಗ ನೀಡಿದ್ದ ರಾಜೀನಾಮೆಯನ್ನು ಹಿಂಪಡೆದಿದ್ದಾರೆ ಎಂದು ತಿಳಿದು ಬಂದಿದೆ.

  

  ಆರು ಬಾರಿ ಸಂಸದರಾಗಿರುವ ವಸಾವ ಮಂಗಳವಾರದಂದು ಬಿಜೆಪಿ ರಾಜ್ಯಾಧ್ಯಕ್ಷ ಸಿಆರ್ ಪಾಟೀಲ್ ಹಾಗೂ ಇಂದು ಮುಖ್ಯಮಂತ್ರಿ ವಿಜಯ ರೂಪಾನಿ ಅವರನ್ನು ಭೇಟಿಯಾಗಿದ್ದರು.

  ಇನ್ನು ಮನ್‌ಸುಖ್ ಭಾಯ್ ವಸಾವ ಅವರು ಕೆಲವೊಂದು ವಿಚಾರಕ್ಕೆ ಅಸಮಾಧಾನಗೊಂಡಿದ್ದು, ಅದನ್ನು ಬಗೆಹರಿಸುವುದಾಗಿ ಭರವಸೆ ನೀಡಲಾಗಿದೆ.

  ರಾಜೀನಾಮೆ ಪತ್ರವನ್ನು ಮಂಗಳವಾರ ಕಳುಹಿಸಿದ್ದ ವಸಾವ, ಸಂಸತ್ತಿನ ಬಜೆಟ್ ಅಧಿವೇಶನದ ವೇಳೆ ರಾಜೀನಾಮೆ ನೀಡುವುದಾಗಿ ಹೇಳಿದ್ದರು. ಆದರೆ ಇದೀಗ ರಾಜೀನಾಮೆಯನ್ನು ಹಿಂಪಡೆದಿದ್ದಾರೆ.