ಬಾಕ್ಸಿಂಗ್‌‌‌ ಡೇ ಟೆಸ್ಟ್‌ ಪಂದ್ಯ - ಆಸ್ಟ್ರೇಲಿಯಾ 200ಕ್ಕೆ ಆಲೌಟ್ - ಭಾರತದ ಗೆಲುವಿಗೆ ಬೇಕು 70 ರನ್

•   Tue, Dec 29 2020 08:29:47 AM



• ಮೆಲ್ಬರ್ನ್, ಡಿ. 29 (DaijiworldNews/MB) : ಇಲ್ಲಿನ ಮೆಲ್ಬರ್ನ್ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಬಾಕ್ಸಿಂಗ್ ಡೇ ಟೆಸ್ಟ್ ಪಂದ್ಯದಲ್ಲಿ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಆಸ್ಟ್ರೇಲಿಯಾ 200 ರನ್‌ ಪಡೆದು ಆಲೌಟ್‌ ಆಗಿದೆ. ಭಾರತ ಗೆಲುವಿಗಾಗಿ 70 ರನ್ ಗಳಿಸಬೇಕಾದ ಅಗತ್ಯವಿದೆ.

  

  6 ವಿಕೆಟ್‌ಗೆ 133 ರನ್‌ಗಳೊಡನೆ ಆಟ ಮುಂದುವರಿಸಿದ ಆಸಿಸ್‌ ತಂಡ ಕ್ಯಾಮರೂನ್ ಗ್ರೀನ್ ಹಾಗೂ ಪ್ಯಾಟ್ ಕಮಿನ್ಸ್ ಏಳನೇ ವಿಕೆಟ್‌ಗೆ 57 ರನ್‌ಗಳ ಜೊತೆಯಾಟದಲ್ಲಿ ಭಾಗಿಯಾದರು. 103 ಎಸೆತಗಳನ್ನು ಎದುರಿಸಿದ ಕಮಿನ್ಸ್ ಒಂದು ಬೌಂಡರಿ ನೆರವಿನಿಂದ 22 ರನ್ ಗಳಿಸಿದರು. ಇನ್ನೊಂದೆಡೆ ಯುವ ಬ್ಯಾಟ್ಸ್‌ಮನ್ ಕ್ಯಾಮರೂನ್ ಗ್ರೀನ್ ಕೂಡಾ ರನ್‌ಗಾಗಿ ಹೋರಾಡಿದರು. 146 ಎಸೆತಗಳನ್ನು ಎದುರಿಸಿದ ಗ್ರೀನ್ ಐದು ಬೌಂಡರಿಗಳಿಂದ 45 ರನ್ ಗಳಿಸಿ ಅರ್ಧಶತಕ ಪಡೆದರು. ನಥನ್ ಲಿಯನ್ (3), ಜೋಶ್ ಹ್ಯಾಜಲ್‌ವುಡ್ (10) ಮತ್ತು ಮಿಚೆಲ್ ಸ್ಟಾರ್ಕ್ (14) ರನ್‌ ಪಡೆದರು. ಇದರೊಂದಿಗೆ ಆಸಿಸ್‌ ತಂಡ 103.1 ಓವರ್‌ಗಳಲ್ಲಿ 200 ರನ್‌ಗಳಿಗೆ ತನ್ನೆಲ್ಲ ವಿಕೆಟ್‌ಗಳನ್ನು ಕಳೆದುಕೊಂಡಿತು.

  ಭಾರತ ಪರ ಮೊಹಮ್ಮದ್ ಸಿರಾಜ್ ಮೂರು ಮತ್ತು ಜಸ್‌ಪ್ರೀತ್ ಬೂಮ್ರಾ, ಆರ್. ಅಶ್ವಿನ್ ಹಾಗೂ ರವೀಂದ್ರ ಜಡೇಜ ತಲಾ ಎರಡು ವಿಕೆಟ್‌ಗಳನ್ನು ಕಬಳಿಸಿದರು.

  ಈ ಮೊದಲು ಆಸ್ಟ್ರೇಲಿಯಾ 195 ರನ್‌ಗಳಿಗೆ ಪ್ರತಿಯಾಗಿ ಭಾರತ ತಂಡದ ನಾಯಕ ಅಜಿಂಕ್ಯ ರಹಾನೆ ಆಕರ್ಷಕ ಶತಕ (112) ಹಾಗೂ ರವೀಂದ್ರ ಜಡೇಜ ಅರ್ಧಶತಕದ (57) ಬೆಂಬಲದೊಂದಿಗೆ 326 ರನ್‌ ಗಳಿಸಿತು. ಈ ಮೂಲಕ 131 ರನ್‌ಗಳ ಭಾರೀ ಮುನ್ನಡೆ ಸಾಧಿಸಿತ್ತು.

  It's Lunch on Day 4 of the 2nd #AUSvIND Test!
  
  Australia all out for 2⃣0⃣0⃣.
  
  3⃣ wickets for Mohammed Siraj
  2⃣ wickets each for @imjadeja, @ashwinravi99 & @Jaspritbumrah93
  1⃣ wicket for @y_umesh#TeamIndia need 7⃣0⃣ runs to win.
  
  Scorecard 👉 https://t.co/lyjpjyeMX5 pic.twitter.com/j2WdblcliL

  — BCCI (@BCCI) December 29, 2020