ಫಾರೂಕ್‌ ಆಸ್ತಿ ಜಪ್ತಿ - 'ಸಮರ್ಥನೆ ನೀಡುವಲ್ಲಿ ಇ.ಡಿ ವಿಫಲ' - ಉಮರ್ ಅಬ್ದುಲ್ಲಾ

•   Sun, Dec 20 2020 01:44:15 PM



• ಶ್ರೀನಗರ, ಡಿ.20 (DaijiworldNews/PY): "ಜಾರಿ ನಿರ್ದೇಶನಾಲಯವು ನನ್ನ ತಂದೆ ಫಾರೂಕ್‌‌‌ ಅಬ್ದುಲ್ಲಾ ಅವರಿಗೆ ಸೇರಿದ ಆಸ್ತಿಯನ್ನು ಜಪ್ತಿ ಮಾಡಿದ್ದು, ಈ ಕ್ರಮಕ್ಕೆ ಯಾವುದೇ ರೀತಿಯಾದ ಸಮರ್ಥನೆ ಇಲ್ಲ" ಎಂದು ಫಾರೂಕ್‌ ಅಬ್ದುಲ್ಲಾ ಅವರ ಪುತ್ರ ಉಮರ್ ಅಬ್ದುಲ್ಲಾ ಹೇಳಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, "ಇಡಿ ಜಪ್ತಿ ಮಾಡಿದ ಆಸ್ತಿಗಳಲ್ಲಿ ಹೆಚ್ಚಿನವು ಪಿತ್ರಾರ್ಜಿತವಾಗಿವೆ. ಇವುಗಳನ್ನು 1970ರಿಂದ ಖರೀದಿ ಮಾಡಲಾಗಿದ್ದು, 2003ರಲ್ಲಿ ಒಂದು ಕಟ್ಟಡವನ್ನು ನಿರ್ಮಾಣ ಮಾಡಲಾಗಿದೆ. ನಮ್ಮ ಕಡೆಯಿಂದ ಯಾವುದೋ ಅಕ್ರಮ ನಡೆದಿದೆ ಎನ್ನುವ ಕಾರಣ ನೀಡಿ ಆಸ್ತಿ ಜಪ್ತಿ ಮಾಡಲಾಗಿದೆ. ಈ ಬಗ್ಗೆ ಸಮರ್ಥನೆ ನೀಡುವಲ್ಲಿ ಇಡಿ ವಿಫಲಾಗಿದೆ" ಎಂದಿದ್ದಾರೆ.

  "ಈ ವಿಚಾರವಾಗಿ ನನ್ನ ತಂದೆ ವಕೀಲರ ಜೊತೆ ಸಮಾಲೋಚನೆ ನಡೆಸುತ್ತಿದ್ದಾರೆ. ಈ ಬಗ್ಗೆ ನಾವು ಕಾನೂನು ಹೋರಾಟ ಮಾಡುತ್ತೇವೆ. ಕೋರ್ಟ್‌ನಲ್ಲಿ ನಿಷ್ಪಕ್ಷಪಾತವಾದ ವಿಚಾರಣೆ ನಡೆಯಲಿದೆ. ಈ ಹೋರಾಟದಲ್ಲಿ ಗೆಲುವು ಸಿಗುವ ಸಾಧ್ಯತೆ ಕೂಡಾ ಇದೆ" ಎಂದು ಹೇಳಿದ್ದಾರೆ.

  "ಆಸ್ತಿ ಜಪ್ತಿ ಮಾಡುವ ಮೊದಲು ಇಡಿ ನೀಡುವಂತ ಅಧಿಕೃತ ನೋಟಿಸ್‌ ನನ್ನ ತಂದೆಗೆ ಸಿಗುವ ಮೊದಲೇ, ಈ ವಿಷಯ ಮಾಧ್ಯಮಗಳಿಗೆ ತಿಳಿದಿದೆ. ಈ ಬಗ್ಗೆ ನನ್ನ ತಂದೆ ಗಮನಿಸಿದ್ದಾರೆ" ಎಂದು ತಿಳಿಸಿದ್ದಾರೆ.

  "ಯಾರಿಗೂ ಕೂಡಾ ನಾನು ತಲೆ ಬಾಗುವುದಿಲ್ಲ. ತನ್ನ ಕಾರ್ಯವನ್ನು ಇಡಿ ಮಾಡಲಿ. ನಾನು ನನ್ನ ಕೆಲಸ ಮಾಡುತ್ತೇನೆ" ಎಂದಿದ್ದಾರೆ.

  ಜಮ್ಮು-ಕಾಶ್ಮೀರ ಕ್ರಿಕೆಟ್‌ ಸಂಸ್ಥೆಯಲ್ಲಿ ಅಕ್ರಮ ಹಣ ಸಾಗಣೆ ಆರೋಪದಲ್ಲಿ ಜಮ್ಮು-ಕಾಶ್ಮೀರದ ಮಾಜಿ ಸಿಎಂ ಫಾರೂಕ್‌ ಅಬ್ದುಲ್ಲಾ ಹಾಗೂ ಇತರರಿಗೆ ಸೇರಿದ 11.86 ಕೋಟಿ.ರೂ ಆಸ್ತಿಯನ್ನು ಜಾರಿ ನಿರ್ದೇಶನಾಲಯ ವಶಪಡಿಸಿಕೊಂಡಿದೆ.

  My father has seen the media reports regarding attachment of his properties in the ongoing investigation in to the JKCA matter. Not surprisingly the media was tipped off regarding the seizure before he had received any official notice or documentation.

  — Omar Abdullah (@OmarAbdullah) December 19, 2020