ಮೇಘನಾ, ಜ್ಯೂನಿಯರ್ ಚಿರು ಹಾಗೂ ಸುಂದರ್ ರಾಜ್‌ಗೆ ಕೊರೊನಾ ಪಾಸಿಟಿವ್

•   Tue, Dec 08 2020 04:15:28 PM



• ಬೆಂಗಳೂರು, ಡಿ. 08 (DaijiworldNews/HR): ನಟಿ ಮೇಘನಾ ರಾಜ್ ಮತ್ತು ಅವರ ತಂದೆ ನಟ ಸುಂದರರಾಜ್, ತಾಯಿ ಪ್ರಮೀಳಾ ಜೋಷಾಯ್ ಮತ್ತು ಜ್ಯೂನಿಯರ್ ಚಿರುಗೆ ಕೊರೊನಾ ಸೋಂಕು ದೃಢಪಟ್ಟಿದೆ.

  

  ಈ ಕುರಿತು ಮಾಹಿತಿ ನೀಡಿರುವ ನಟ ಸುಂದರರಾಜ್ , "ನಮ್ಮ ಕುಟುಂಬದ ಎಲ್ಲರ ಮೇಲೂ ಕೊರೊನಾ ಪರಿಣಾಮ ಬೀರಿದ್ದು, ಮೇಘನಾ ಮತ್ತು ಮಗುವಿಗೆ ಕೂಡ ಪಾಸಿಟಿವ್‌ ವರದಿ ಬಂದಿದೆ ಎಂದು ತಿಳಿಸಿದ್ದಾರೆ.

  ಇನ್ನು ನಟಿ ಪ್ರಮೀಳಾ ಜೋಷಾಯ್‌ ಅವರಿಗೆ ಎರಡು ದಿನದ ಹಿಂದೆ ಸೋಂಕು ಕಾಣಿಸಿಕೊಂಡಿದ್ದು, ಬೆಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಮಂಗಳವಾರ ಸುಂದರ್‌ ರಾಜ್‌ ಕೂಡ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇನ್ನೂ ಮೇಘನಾ ಮತ್ತು ಚಿರು ಪುತ್ರ ಮನೆಯಲ್ಲೇ ಐಸೋಲೇಷನ್ ನಲ್ಲಿದ್ದು ಚಿಕಿತ್ಸೆ ಪಡೆಯುತ್ತಿದ್ದಾರೆಂದು ತಿಳಿದು ಬಂದಿದೆ.