'ಮೂರು ವರ್ಷಗಳಲ್ಲಿ ಹಳ್ಳಿಗಳು ಹೈಸ್ಪೀಡ್​ ಇಂಟರ್ನೆಟ್​ ಹೊಂದುತ್ತದೆ' - ಪ್ರಧಾನಿ ಮೋದಿ

•   Tue, Dec 08 2020 12:50:28 PM



• ನವದೆಹಲಿ, ಡಿ.08 (DaijiworldNews/MB) : ''ಕೋಟ್ಯಾಂತರ ಭಾರತೀಯರನ್ನು ಇನ್ನಷ್ಟು ಸಶಕ್ತರನ್ನಾಗಿಸಲು 5ಜಿ ಸಾಧನವನ್ನು ಸಮಯೋಚಿತವಾಗಿ ಪರಿಚಯಿಸಲು ನಾವೆಲ್ಲರೂ ಒಟ್ಟಾಗಿ ಕೆಲಸ ಮಾಡಬೇಕಿದೆ. ಮೂರು ವರ್ಷಗಳಲ್ಲಿ ಹಳ್ಳಿಗಳು ಹೈಸ್ಪೀಡ್​ ಇಂಟರ್ನೆಟ್​ ಹೊಂದುತ್ತದೆ'' ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದರು.

  

  ಭಾರತೀಯ ದೂರ ಸಂಪರ್ಕ ಇಲಾಖೆ ಮತ್ತು ಸೆಲ್ಯುಲರ್​ ಆಪರೇಟರ್ಸ್​ ಅಸೋಸಿಯೇಷನ್ ಆಫ್​ ಇಂಡಿಯಾ (ಸಿಒಎಐ) ಆಯೋಜಿಸಿರುವ ಇಂಡಿಯಾ ಮೊಬೈಲ್​ ಕಾಂಗ್ರೆಸ್​ (ಐಎಂಸಿ) 2020 ವರ್ಚುವಲ್‌ ಸಮಾರಂಭವನ್ನು ಉದ್ಘಾಟಿಸಿ ಪ್ರಧಾನಿ ಮೋದಿ ಮಾತನಾಡಿದರು. ​

  ''ಈ ಕೊರೊನಾ ಸಂದರ್ಭದಲ್ಲೂ ವಿಶ್ವವು ಎಂದಿನಂತೆ ಕಾರ್ಯನಿರ್ವಹಿಸಲು ನಿಮ್ಮ ಸಂಶೋಧನೆ ಮತ್ತು ಸಾಮರ್ಥ್ಯ ಕಾರಣ. ತಾಯಿ ಹಾಗೂ ಪುತ್ರ ಬೇರೆ ಬೇರೆ ಪ್ರದೇಶದಲ್ಲಿದ್ದರೂ ಅವರಿಗೆ ಒಬ್ಬರನ್ನು ಒಬ್ಬರು ಸಂಪರ್ಕ ಹೊಂದಲು ಈ ತಂತ್ರಜ್ಞಾನ ಬಹು ಸಹಕಾರಿಯಾಗಿದೆ'' ಎಂದು ಟೆಕ್ಕಿಗಳನ್ನು ಉದ್ದೇಶಿಸಿ ಹೇಳಿದರು.

  ''ಓರ್ವ ವಿದ್ಯಾರ್ಥಿಯು ತರಗತಿಗೆ ಹಾಜರಾಗದೆಯೇ ಆನ್‌ಲೈನ್‌ ಮೂಲಕವೇ ಶಿಕ್ಷಣ ಪಡೆಯುತ್ತಿರಲು ಕೂಡಾ ನೀವೇ ಕಾರಣೀಭೂತರು'' ಎಂದು ಹೇಳಿದರು.

  ''ನಾವು ಇಂದು ತಾಂತ್ರಿಕ ಉನ್ನತೀಕರಣದಿಂದಾಗಿ ಹ್ಯಾಂಡ್​ಸೆಟ್​ ಮತ್ತು ಗಾಡ್ಜೆಟ್​ಗಳನ್ನು ಆಗಾಗ ಬದಲಿಸುವ ಸಂಸ್ಕೃತಿಯನ್ನು ಹೊಂದಿದ್ದೇವೆ. ಆದರೆ ಎಲೆಕ್ಟ್ರಾನಿಕ್ ತ್ಯಾಜ್ಯವನ್ನು ನಿಭಾಯಿಸುವಂತಹ ಹಾಗೂ ವೃತ್ತಾಕಾರದ ಆರ್ಥಿಕತೆಯನ್ನು ಸೃಷ್ಟಿಸುವ ಉದ್ಯಮವು ಕಾರ್ಯಪಡೆ ರಚಿಸಬಹುದೇ?'' ಎಂದು ‌ಪ್ರಶ್ನಿಸಿದರು.