ಸ್ಯಾಂಡಲ್‌ವುಡ್ ನಟ ಚೇತನ್ ಟಾಲಿವುಡ್‌ಗೆ ಪಾದಾರ್ಪಣೆ

•   Sat, Dec 05 2020 03:33:34 PM



• ಬೆಂಗಳೂರು, ಡಿ.05 (DaijiworldNews/HR): ಸ್ಯಾಂಡಲ್‌ವುಡ್ ನಟ ಚೇತನ್ ತೆಲುಗಿಗೆ ಎಂಟ್ರಿ ಕೊಟ್ಟಿದ್ದು, ಹೈದರಾಬಾದ್‌ನಲ್ಲಿ ಚಿತ್ರದ ಮುಹೂರ್ತ ಕಾರ್ಯಕ್ರಮವನ್ನು ಚಿತ್ರತಂಡ ನೆರವೇರಿಸಿದೆ.

  

  ಈ ಸಿನಿಮಾಕ್ಕೆ ಇನ್ನು ಹೆಸರು ನಿಗದಿಪಡಿಸಿಲ್ಲ, ಆದರೆ ಕನ್ನಡ ಭಾಷೆಯಲ್ಲಿಯೂ ಈ ಚಿತ್ರ ತೆರೆ ಕಾಣುವ ಸಾಧ್ಯತೆ ಇದೆ ಎಂಸು ತಿಳಿದು ಬಂದಿದೆ.

  ಇನ್ನು ಈ ಸಿನಿಮಾ ಸಂಗೀತ ನಿರ್ದೇಶಕ ಸಾಯಿ ಕಾರ್ತಿಕ್ ಮತ್ತು ಶ್ರೀಕಾತ್ ಒಟ್ಟಾಗಿ ಸೇರಿ ಮಾಡುತ್ತಿದ್ದು, ಖ್ಯಾತ ಚಿತ್ರಕಥೆ ರಚನಾಕಾರ ಚಕ್ರವರ್ತಿ ಈ ಸಿನಿಮಾದ ನಿರ್ದೇಶನದ ಜವಾಬ್ದಾರಿ ಹೊತ್ತುಕೊಂಡಿದ್ದಾರೆ.

  ಈ ಸಿನಿಮಾದಲ್ಲಿ ನಟ ಚೇತನ್ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಮಿಂಚಲಿದ್ದು, ಉಳಿದ ನಟರೆಲ್ಲ ನಟರು ತೆಲುಗಿನವರೇ ಇರುವ ಸಾಧ್ಯತೆ ಇದೆ ಎನ್ನಲಾಗಿದೆ.

  ನಟ ಚೇತನ್ ಈ ಸಿನಿಮಾದ ಕುರಿತು ಪ್ರತಿಕ್ರಿಯಿಸಿ, "ಈ ಚಿತ್ರದಲ್ಲಿ ನನ್ನದು ವಿಭಿನ್ನವಾದ ಪಾತ್ರವಾಗಿದ್ದು, ಈ ರೀತಿಯಾದಂತಹ ಪಾತ್ರದಲ್ಲಿ ಇಲ್ಲಿಯವರೆ ನಟಿಸಿರಲಿಲ್ಲ. ಹಾಗಾಗಿ ಕಥೆ ಕೇಳಿದ ತಕ್ಷಣವೇ ನಟಿಸಲು ಒಪ್ಪಿಕೊಂಡೆ" ಎಂದು ಹೇಳಿದ್ದಾರೆ.