ಕೊರೊನಾ ನಿಯಮ ಉಲ್ಲಂಘನೆ - ಹೈಕೋರ್ಟ್‌ನಿಂದ ರಾಜಕೀಯ ಪಕ್ಷಗಳಿಗೆ ನೋಟಿಸ್‌ ಜಾರಿ

•   Wed, Nov 25 2020 10:37:49 AM



• ಬೆಂಗಳೂರು, ನ.25 (DaijiworldNews/PY): ರ್‍ಯಾಲಿ, ಪ್ರತಿಭಟನೆ ಸಂದರ್ಭಗಳಲ್ಲಿ ಕೊರೊನಾ ನಿಯಮ ಉಲ್ಲಂಘನೆ ಹಾಗೂ ಡಿ.5ರಂದು ನಡೆಸಲು ಉದ್ದೇಶಿಸಿರುವ ಕರ್ನಾಟಕ ಬಂದ್‌‌ ಸಂದರ್ಭ ಕೊರೊನಾ ನಿಯಮ ಉಲ್ಲಂಘನೆ ಮಾಡದಂತೆ ಹೇಗೆ ಗಮನವಹಿಸುತ್ತೀರೆಂದು ವಿವರಣೆ ಕೋರಿ ರಾಜಕೀಯ ಪಕ್ಷಗಳಿಗೆ ಹೈಕೋರ್ಟ್‌ ನೋಟಿಸ್‌ ನೀಡಿದೆ.

  

  ಈ ವಿಚಾರದ ಬಗ್ಗೆ ಡಿ.2ರ ಒಳಗೆ ಪ್ರತಿಕ್ರಿಯೆ ನೀಡುವಂತೆ ರಾಜಕೀಯ ಪಕ್ಷಗಳಿಗೆ ಮುಖ್ಯ ನ್ಯಾ.ಅಭಯ್‌‌ ಶ್ರೀನಿವಾಸ್‌‌ ಒಕಾ ಹಾಗೂ ನ್ಯಾ. ಎಸ್‌‌.ವಿಶ್ವಜಿತ್‌ ಶೆಟ್ಟಿ ನೇತೃತ್ವದ ವಿಭಾಗೀಯ ಪೀಠ ಸೂಚನೆ ನೀಡಿದೆ.

  ಕರ್ನಾಟಕ ಬಂದ್‌ ನಡೆಯುವ ರ್‍ಯಾಲಿಗಳಲ್ಲಿ ಕೊರೊನಾ ನಿಯಮಗಳನ್ನು ಪಾಲಿಸುತ್ತಾರೆಯೇ ಎನ್ನುವ ಬಗ್ಗೆ ತಿಳಿಸಬೇಕು ಎಂದು ಹೈಕೋರ್ಟ್ ತಿಳಿಸಿದ್ದು, ಬಿಜೆಪಿ ಸೇರಿದಂತೆ ಕಾಂಗ್ರೆಸ್‌‌, ಸಿಪಿಎಂ, ಕನ್ನಡ ಚಳವಳಿ ವಾಟಾಳ್‌‌‌‌ ಪಕ್ಷಗಳಿಗೆ ಹಾಗೂ ಜೆಡಿಎಸ್‌ಗೆ ನೋಟಿಸ್‌ ನೀಡಿದೆ.

  ಹೈಕೋರ್ಟ್‌ಗೆ ಲೆಟ್ಝಿಕಿಟ್ ಫೌಂಡೇಶನ್ ಸಲ್ಲಿಸಿರುವ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು ಪರಿಗಣಿಸಿ ನ್ಯಾಯಪೀಠ ರಾಜಕೀಯ ಪಕ್ಷಗಳಿಗೆ ನೋಟಿಸ್‌ ಜಾರಿ ಮಾಡಿದೆ.