'ಆನ್‌‌ಲೈನ್‌‌ ಗೇಮ್‌‌ಗಳನ್ನು ನಿಷೇಧಿಸಲು ಶೀಘ್ರವೇ ಕಾನೂನು ರೂಪಿಸಲಾಗುವುದು' - ಬಸವರಾಜ್‌‌ ಬೊಮ್ಮಾಯಿ

•   Sat, Nov 21 2020 08:04:30 AM



• ಬೆಂಗಳೂರು, ನ.21 (DaijiworldNews/PY): "ಶೀಘ್ರವೇ ಆನ್‌‌ಲೈನ್‌‌ ಗೇಮ್‌‌ಗಳನ್ನು ನಿಷೇಧಿಸುವ ಸಲುವಾಗಿ ಕಾನೂನು ಅನ್ನು ರೂಪಿಸಲಾಗುವುದು" ಎಂದು ಗೃಹ ಸಚಿವ ಬಸವರಾಜ್‌‌ ಬೊಮ್ಮಾಯಿ ಹೇಳಿದ್ದಾರೆ.

  

  ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, "ಯುವಜನತೆ ಆನ್‌‌ಲೈನ್‌‌‌ ಗೇಮ್‌‌ನಂತಹ ದುಶ್ಚಟಗಳಿಗೆ ತುತ್ತಾಗುತ್ತಿದ್ದು, ಅಲ್ಲದೇ, ಇದರ ಪರಿಣಾಮದಿಂದಾಗಿ ಅವರ ಕುಟುಂಬಗಳು ಬೀದಿಗೆ ಬೀಳುತ್ತಿವೆ. ಇದನ್ನು ತಡೆಯುವ ನಿಟ್ಟಿನಲ್ಲಿ ಆನ್‌‌ಲೈನ್‌ ಗೇಮ್‌ಗಳನ್ನು ನಿಷೇಧ ಮಾಡುವ ಬಗ್ಗೆ ಚಿಂತನೆ ನಡೆದಿದೆ" ಎಂದು ತಿಳಿಸಿದ್ದಾರೆ.

  "ಈಗಾಗಲೇ ಬೇರೆ ಬೇರೆ ರಾಜ್ಯಗಳು ಆನ್‌‌ಲೈನ್‌ ಗೇಮ್‌ಗಳನ್ನು ನಿಷೇಧ ಮಾಡಿವೆ. ಆ ರಾಜ್ಯಗಳಲ್ಲಿ ಆನ್‌ಲೈನ್‌‌ ಗೇಮ್‌‌‌ ನಿಷೇಧ ಮಾಡಲು ರೂಪಿಸಿರುವ ಕಾನೂನು ಹಾಗೂ ಆದೇಶಗಳ ಬಗ್ಗೆ ಅಧ್ಯಯನ ಮಾಡಲಾಗುತ್ತಿದ್ದು, ಅಧಿಕಾರಿಗಳೊಂದಿಗೆ ಸಭೆ ನಡೆಸಲು ತೀರ್ಮಾನಿಸಲಾಗಿದೆ. ಈ ವಿಚಾರವಾಗಿ ಸಿಎಂ ಬಿಎಸ್‌ವೈ ಅವರ ಜೊತೆ ಚರ್ಚೆ ನಡೆಸಲಾಗಿದೆ" ಎಂದರು.